Historyja pačałasia z taho, što niejki mužčyna vyrašyŭ razahreć tušonku Aršanskaha miasakambinata i zastaŭsia niezadavoleny.
«Vyvaliŭ na patelniu haračuju — tut niama miasa. Niejkija žyłki i vada», — aburajecca jon u videa.
U pieraliku inhredyjentaŭ tušonki na pieršych pazicyjach paznačana śvinina, vada pitnaja, skurka śvinaja. Ale miasa ŭ kadry na paŭkiło praduktu sapraŭdy mizier.
«Heta žach — ježa dla sabak», — vykazaŭsia pakupnik.
Heta videa tak aburyła dvuch žycharoŭ Rasonskaha rajona, što tyja vyrašyli zapisać svajo pieršaje videa ŭ tyktoku ŭ adkaz. Miarkujučy pa abstanoŭcy ŭ chacie i hałasach, para — amatary zastollaŭ.
«I dzie jana drennaja? Biarom łyžku, dastajom, — kamientuje žančyna, pieramiešvajučy tušonku. — Jana nie redkaja.
Jana źvierchu pakrytaja žele. My dadajom jaje ŭ makaronu, hrečku, rys. My jamo jaje — heta narmalnaja tušonka. Smačnaja! Jana ŭ paraŭnańni ź vierchniadźvinskaj i hłybockaj samaja lepšaja, paviercie vy mnie!»
«Vo łyžku pastaŭlu, jo* tvaju mać!» — kaža za kadram jaje siabar. Inšyja jaho acenki składana pierakazać cenzurna.
Papiaredžajem: u videa šmat matu.
Videa ŭ abaronu aršanskaj tušonki sabrała 890 tysiač prahladaŭ.
