Fota ilustracyjnaje
Ale hetym razam aŭtary źviartajuć uvahu na aśpiekt, jaki, na ich dumku, pry ŭsioj svajoj važnaści zastaŭsia ŭ cieni.
Dakładnyja i śmiarotnyja ŭdary HIMARS pakazvajuć, nakolki virtuozna ŭkrainskija siły navučylisia vykarystoŭvać mabilnuju suviaź praciŭnika na svaju karyść, piša vydańnie.
Varta było tolki rasijskim vajskoŭcam pryjechać na miesca i ŭklučyć mabilnyja telefony, jak ukrainskaja raźviedka tut ža padabrała sihnał i pieradała źviestki ab łakacyi rasijan pa ŭsim łancužku kamandavańnia, cytuje Insider zaklučeńnie Ministerstva abarony Rasii.
Mabilnyja telefony ŭ zonie vajennych dziejańniaŭ mohuć być śmiarotna niebiaśpiečnyja. Ź ich sihnałaŭ možna sčytać praktyčna lubuju infarmacyju až da pazicyi vojskaŭ i pieramiaščeńnia praciŭnika.
USU napoŭnicu asvoili hetuju vobłaść viadzieńnia vajny i ŭ šmat razoŭ pieraŭzychodziać zdolnaści rasijskaj armii, jakaja demanstruje svaju nikudy nie vartuju kibierabaronu, ličyć vydańnie.
Kijeŭ jašče ŭ samym pačatku vajny zrazumieŭ, jakija pieravahi dajuć armii palepšanyja mabilnyja technałohii, i ź pieršych dzion abnaŭlaje svaje mabilnyja dadatki i pašyraje mahčymaści, kaža ŭ artykule były vykanaŭčy dyrektar kampanii Google Eryk Šmit.
