Fota: tarraleah.com
Horad Taralea (Tarraleah) na Centralnym nahorji Tasmanii maje amal usio, što treba dla pieranasyčanaha serca: ad šykoŭnych krajavidaŭ i raskošnaha šale ŭ styli art-deko da pola dla holfa i cudoŭnaha voziera, dzie možna vudzić stronhu ŭ zacišku.
Fota: tarraleah.com
Taralea znachodzicca na vostravie Tasmanija ŭ adnajmiennym štacie prykładna za dźvie hadziny jazdy ad stalicy štata, horada Chobart. Haradok byŭ zbudavany ŭ 1930-ch hadach dla ITR i rabočych, jakija budavali kaskad hidraelektrastancyj u hornaj miascovaści.
Napačatku jaho isnavańnia ŭ horadzie było ŭsio: elektryčnaść, vodapravod, kanalizacyja, ratuša, kinateatr, pab, restaran, palicejski ŭčastak i carkva. Na piku tam pražyvała kala 500 čałaviek, ale da 1990-ch hadoŭ horad apuścieŭ.
Fota: tarraleah.com
U 2000-ch hadach miascovyja prydumali ŭłasnuju schiemu zarobku hrošaj. Piersanał vialikaha turystyčnaha šale pasprabavaŭ uvajści ŭ vuzkuju nišu seks-rynku, absłuhoŭvajučy naviedvalnikaŭ, jakija zachaplalisia prynižeńniem, źviazvańniem i inšymi zabavami ŭ styli sadamaza.
Fota: tarraleah.com
Adnak śviata dla amataraŭ bizuna nieŭzabavie skončyłasia, kali ŭ 2006 hodzie bizneśmien i zabudoŭščyk Džułijan Chomier adnaviŭ najlepšyja frahmienty architektury horada i zrabiŭ staŭku na «turystaŭ kłasa luks». Usie 35 abjektaŭ nieruchomaści, jakija zajmajuć płošču 147 hiektaraŭ, byli vystaŭleny na prodaž u 2016 hodzie z nadziejaj, što znojdziecca zamiežny i zamožny pakupnik.
Roznyja zatrymki i pandemija Covid-19 adkłali ździełku, ale ciapier na nieruchomaść znoŭ pačali aktyŭna šukać kupca, paviedamlaje The Times.
Fota: tarraleah.com
eto była Avtrałiia
no muž skazał -
uspokojsia
my užie vsie riešiłi
vy s riebienkom otpravlajetieś na **
a my sozdajem partizanskij otriad vokruh samohonnoho apparata