Da 28 «kvadrataŭ». Jakija mikrakvatery pradajuć u Minsku 4

Fota: kufar.by

«Idealny varyjant dla inviestycyj»

Samaja maleńkaja z vystaŭlenych na prodaž kvater u Minsku maje ahulnuju płošču 20,6 m². Mieścicca jana na druhim paviersie piacipaviarchovaha doma 1974 hoda pabudovy pa adrasie Partyzanski praśpiekt, 29A. Mikrakvateru ź jeŭraramontam aceńvajuć u 37 500$, abo 1820 dalaraŭ za «kvadrat». 

Fota: kufar.by

Žyły pakoj maje 11,5 m², kuchnia amal 5. Jak bačna na fota, na kuchni adnačasova mohuć jeści tolki dva čałavieki i to pry ŭmovie, što adzin ź ich budzie siadzieć za stałom, a druhi za barnaj stojkaj. 

Fota: kufar.by

U pamiaškańni zrobleny sučasny ramont, žyły pakoj maje davoli vialikaje akno z vychadam na bałkon. 

Sanvuzieł całkam adpaviadaje ahulnym pamieram kvatery, tam usio nastolki ščylnieńka, što čałavieku z kłaŭstrafobijaj siudy lepiej na zachodzić.

Fota: kufar.by

Pradaŭcy apisvajuć kvateru, jak «idealny varyjant dla inviestycyj», tak jak jana znachodzicca ŭ centralnaj častcy stalicy. 

Ramont z časoŭ SSSR

Krychu bolšuju kvateru pradajuć pa adrasie Bahdanoviča, 90. Za adnapakajoŭku na čaćviortym paviersie z ahulnaj płoščaj 22 m² haspadary chočuć atrymać 38 000$, ci pa 1727 dalaraŭ za mietr. 

Fota: kufar.by

U adroźnieńnie ad papiaredniaha varyjanta, ramont pa ŭsioj bačnaści rabiŭsia jašče pry savietach. 

Fota: kufar.by

«Pieravaha kvatery ŭ tym, što jana znachodzicca ŭ vydatnym miescy i dom paśla kapitalnaha ramontu», — havorycca ŭ apisańni. 

2644 dalary za mietr

Na pałovu «kvadrata» prastorniej i na 21 500$ daražej pradajuć sučasnuju kvateru-studyju pa adrasie Jeŭfrasińni Połackaj, 5. Kvatera ahulnaj płoščaj 22,5 m² mieścicca na dziasiatym paviersie doma 2017 hoda pabudovy. Prosiać za jaje 59 500$, ci pa 2 644 dalary za mietr.

Fota: kufar.by

«Pradajecca sučasnaja kvatera z panaramnym vidam, meblaj, technikaj i kandycyjanieram», — havorycca ŭ apisańni da abjekta.

Stoli z kasitonami

U 47 tysiač dalaraŭ aceniena adnapakajoŭka na Niomanskaj, 3. Cana «kvadrata» — 1900$. Kvatera mieścicca na druhim paviersie 12-paviarchovaha doma 2012 hoda pabudovy. Ahulnaja płošča žytła 24,7 m², jość nievialiki bałkon. 

Ramont apisany jak «dobry». Na padłozie lažyć linoleum. Na stoli kasitony.

Fota: realt.by 

Kvateru pradajuć razam z meblaj i technikaj, siarod jakoj pralnaja mašyna ź viertykalnaj zahruzkaj, jakaja dapamahaje ekanomić prastoru. Pradaviec adznačaje, što pad domam jość padziemny parkinh z volnymi miescami.

Niepadalok ad doma znachodzicca park «Siamiejnaje dreva» i park imia Uha Čaviesa. 

Fota: realt.by 

Adnapakajoŭka ź dziciačym zakutkom

Płošča nastupnaj kvatery — 26,5 m². Znachodzicca jana na Partyzanskim praśpiekcie, 67. Adnapakajoŭka mieścicca na apošnim dziaviatym paviersie cahlanaha doma 1967 hoda pabudovy. 

Pradaŭcy aceńvajuć kvateru ŭ 48 500 dalaraŭ, ci 1830$ za m².

Fota: realt.by 

Płošča žyłoha pakoja 16,6 m². Z dapamohaj palicy pamiaškańnie padzielena na darosłuju i dziciačuju zony. 

U kvatery zrobleny sučasny ramont. Taksama ŭ 2018 hodzie byŭ vykanany kapitalny ramont doma z zamienaj usich kamunikacyj.

Fota: realt.by 

Na nievialičkaj kuchni jość dva miescy za stałom. Tam ža staić pralnaja mašyna.

Fota: realt.by 

Vokny kvatery vychodziać na park. Siarod pieravah pradaŭcy adznačajuć vyhadnaje hieahrafičnaje raźmiaščeńnie doma: jaho akružaje park la stancyi mietro «Partyzanskaja».

Studyja z łodžyjaj i kanśjeržam

Pa adrasie Hurskaha, 45 za 58 tysiač dalaraŭ pradajuć sučasnuju kvateru-studyju z ahulnaj płoščaj 27,8 m². Płošča asnoŭnaha pakoja składaje 16,5 m². 

Fota: realt.by 

U pakoi vysokaje akno, praź jakoje možna patrapić na davoli prastornuju łodžyju. «Kvadrat» u kvatery kaštuje 2086$.

Fota: realt.by 

U domie 2018 hoda pabudovy majecca kanśjerž i videadamafon. Pobač z domam znachodziacca škoła, dziciačy sad, HC «Hłoba».

Pradaŭcy nazyvajuć hetuju kvateru idealnym varyjantam dla pražyvańnia maładoj pary i dla zdačy ŭ arendu. 

Čytajcie taksama: 

Stała viadoma, jakija damy źjaviacca na miescy tak i nie dabudavanaha HC «Hulivier» 

Vysokija stoli, bałkon z kałonami i bambaschovišča ŭ padvale. Jakija kvatery pradajuć u centry Minska

Jakija damy niedaloka ad Minska možna kupić pa canie adnapakajoŭki

6

11

6

4

4

12

Nashaniva.com