Jak abaranić svoj akaŭnt z dapamohaj parola i dvuchfaktarnaj aŭtentyfikacyi
Pa-pieršaje, vy musicie stvaryć nadziejny i ŭnikalny parol. Jak heta zrabić, my ŭžo pisali ŭ hajdzie pa Google.
Pa-druhoje, uklučycie dvuchfaktarnuju aŭtentyfikacyju. Varta zrabić heta na prahramu aŭtentyfikacyi — my rekamiendujem andOTP abo Google Authenticator, a dla iOS — Step Two abo ŭbudavanuju prahramu.
Kab źmianić parol na nadziejny, kali ŭ vas nie taki, i ŭklučyć dvuchfaktarnuju aŭtentyfikacyju ŭ Patreon, uvajdzicie ŭ «Nałady» (Settings) u mieniu ź levaha boku staronki.
Nałady — apošni punkt u mieniu ź levaha boku
U naładach pierajdzicie ŭ punkt «Akaŭnt» (Account).
Punkt akaŭnt — druhi źleva ŭ «Naładach»
U samym viersie budzie parol. Prydumajcie ci zhienieryrujcie nadziejny parol. Stary parol uviadzicie ŭ punkt «Stary parol» (Old password), a novy — u pali «Novy parol» i «Paćvierdzić parol» (New password, Confirm password). Paśla naciśnicie «Abnavić parol» (Update password).
Uviadzicie stary i novy paroli i naciśnicie «Abnavić parol»
Spuściciesia da punkta «Dvuchfaktarnaja aŭtentyfikacyja» (Two-factor authentication). Naciśnicie «Skarystacca prahramaj aŭtentyfikacyi» (Use authenticator app).
Tut treba nacisnuć «Skarystacca prahramaj aŭtentyfikacyi» (Use authenticator app)
Paśla hetaha źjavicca kod uznaŭleńnia akaŭnta. Bieź jaho ŭ situacyi, kali złomicca prahrama hienieracyi kodaŭ, uvajści budzie prablematyčna. Skapirujcie jaho i zachavajcie ŭ nadziejnym miescy (da prykładu, mieniedžary parolaŭ).
Kody na vyjavie abrezanyja, ale ŭ aryhinale jość try radki simvałaŭ
Naciscnicie «Ok». Vam adkryjecca staronka, na jakoj treba adskanavać QR-kod prahramaj hienieracyi kodaŭ (spasyłki byli vyšej). Zrabicie heta.
QR-kod na vyjavie zamazany čornym kvadratam
Paśla adskanavańnia ŭ prahramie źjavicca šaściznačny kod. Jaho treba ŭvieści ŭ pole «Kod paćviardžeńnia» (Verification code). Paśla hetaha naciśnicie «Paćvierdzić» (Verify). Kali kod pravilny, vy viernieciesia na minułuju staronku i ŭbačycie nadpis «Uklučanaja praz prahramu aŭtentyfikacyi» (Enabled via authenticator app).
Taki nadpis musić źjavicca paśla ŭklučeńnia «dvuchfaktarki»
Jak pierakanacca, što vašy achviaravańni nie bačnyja ŭsim zapar?
U Patreon jość tolki adna opcyja pryvatnaści — «nie pakazvać achviaradaŭcaŭ u profili». Pierakanajciesia, što jana ŭklučanaja.
Uvajdzicie ŭ «Nałady» i adkryjcie tam punkt «Akaŭnt», jak i ŭ minułaj častcy artykuła. Adhartajcie ŭ samy niz — tam budzie punkt «Pryvatnaść» (Privacy). Pierakanajciesia ŭ tym, što ŭklučany punkt «Chavać abaviazacielstvy ŭ maim profili» (Hide pledges from your profile).
Hety punkt musić być uklučany
Taksama, kali vy ŭ Biełarusi i chočacie abaranić vaš akaŭnt, paprasicie čałavieka za miažoj, jakomu vy daviarajecie, «trymać» jaho, kab vy nie viedali ani parola, ani koda aŭtentyfikacyi. Heta nie dazvolić siłavikam uvajści ŭ akaŭnt, jak by jany ni staralisia.
Jak zrabić tak, kab navat pry ŭzłomie akaŭnta vašy źviestki byli ŭ biaśpiecy?
Patreon pieradaje e-mail, imia i kolkaść achviaravańniaŭ stvaralnikam zboraŭ. Heta značyć, što tearetyčna, kali servis abo stvaralnika ŭzłomiać, hetyja źviestki stanuć publičnymi. Sami stvaralniki Patreon rajać na taki vypadak pry stvareńni akaŭnta chavać vašy źviestki — pisać imia i email, nie źviazanyja z vami. Jak stvaryć ananimny email, my raskazvali ŭ našym hajdzie:
Kab ich źmianić, zajdzicie ŭ nałady i abiarycie punkt «Bazavyja» (Basics, jon adkryvajecca pieršym). Dalej pierahlańcie, jakija źviestki ŭ vas tam zapisanyja. Kab schavać ich, uviadzicie novyja źviestki ŭ pali «Imia» (Display name) i «Email», a paśla naciśnicie «Zachavać» (Save).
Tut treba ŭvieści patrebnyja vam źviestki: email i imia — i nacisnuć «Zachavać»
Paśla hetaha stvaralnik zboru i servis buduć bačyć tolki tyja źviestki, jakija vy paznačyli.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Jak padrychtavacca da pierachodu miažy? Raspytali ŭ tych, chto jaje niadaŭna prachodziŭ
Ja achviaravaŭ u fondy. Jak zrazumieć, što ja ŭ niebiaśpiecy?
