Braniravać datu i čas vyjezdu možna budzie praz płatformu dziaržaŭnaj infarmacyjnaj sistemy elektronnych pieravozačnych dakumientaŭ, padviedamnaj Mintransu.
Zajaŭnik zmoža vybrać lubyja datu i čas, akramia ŭžo zabraniravanych słotaŭ.
U vieraśni minułaha hoda, kali ŭ Rasii była abvieščanaja mabilizacyja, na niekatorych kirunkach vyjezdu z krainy ŭtvarylisia masavyja zatory. Na padjezdach da šerahu punktaŭ pierasiačeńnia miažy ludzi stajali pa niekalki sutak. Pry hetym byli vypadki, kali hramadzianam admaŭlali ŭ vyjeździe.
Elektronny zapis dla braniravańnia miesca ŭ čarzie dla pierasiačeńnia miažy na aŭtamabili jość i z druhoha boku miažy Rasii — naprykład, na prapusknym punkcie ŭ horadzie Narva ŭ Estonii. Na inšych pahranpunktach na rasijska-estonskaj miažy možna prajechać biez zapisu.
Deputat Maskvičoŭ prapanuje ŭvieści taki paradak pierasiačeńnia miažy ŭžo z 1 sakavika hetaha hoda.
