«Leapardy» pad dackimi ściahami na vučeńniach u Estonii. Fota: AP Photo/Pavel Golovkin
Havorka idzie jak minimum pra adnu rotu hetych tankaŭ, heta 14 štuk. Tanki nibyta ŭžo pačali pastupać sa składoŭ bundeśviera.
Bierlin taksama maje namier uchvalić pastaŭki tankaŭ Leopard va Ukrainu inšymi krainami. Raniej kiraŭnica niamieckaha MZS Analena Bierbak zajaviła, što Hiermanija nie budzie piarečyć pastaŭkam Polščaj tankaŭ Leopard Ukrainie.
Čakajecca, što aficyjna rašeńnie ab adpraŭcy tankaŭ budzie ahučanaje ŭ sieradu.
«U ramkach aktualnaha pytańnia ŭ sieradu, 25 studzienia 2023 hoda, Bundestah razhledzić pytańnie mahčymych pastavak tankaŭ Leopard z Hiermanii va Ukrainu. Pasiadžeńnie adbudziecca pa prośbie parłamienckaj hrupy CHDS/CHSS, jakaja choča «spynić «leapardavuju» błakadu fiederalnaha ŭrada» i aścierahajecca straty davieru da fiederalnaha ŭrada siarod sajuźnikaŭ», — havorycca ŭ paviedamleńni na sajcie parłamienta FRH.