Fota: Associated Press
Padčas sustrečy z dyrektaram TikTok Šou Zi Ču kamisar ES pa ŭnutranym rynku Ćjery Breton zajaviŭ, što TikTok zaznaje asablivy kantrol, kali ŭ vieraśni nabudzie moc novy zakon ES ab ličbavych pasłuhach, jaki ŭklučaje novyja pałažeńni ab abaronie karystalnikaŭ, asabliva maładych, u dačynieńni da kantentu, vykarystańnia danych i h. d.
Breton taksama paviedamiŭ Ču, što kali b novyja praviły ŭžo pracavali, to TikTok, imavierna, parušaŭ by ich.
Jak adznačyŭ kamisar ES, heta nieprymalna, kali karystalniki ŭsiaho za niekalki siekund majuć dostup da «škodnaha, a časam navat niebiaśpiečnaha dla žyćcia kantentu». Kali hetaja situacyja nie źmienicca, TikTok moža sutyknucca z poŭnaj zabaronaj u ES. Takim čynam, sacyjalnaja sietka musić abnaŭlacca i raźvivacca ŭ adpaviednaści ź jeŭrapiejskimi patrabavańniami.
TikTok, jaki ŭžo sutyknuŭsia z patencyjnaj zabaronaj u ZŠA z-za jaho mahčymaj suviazi z uradam Kitaja, zajaŭlaje, što jon starajecca pilna vykonvać patrabavańni «Zakona ab ličbavych pasłuhach» (DSA), a taksama jeŭrapiejskaha «Ahulnaha rehłamienta pa achovie danych» (GDPR), i što sacyjalnaja sietka — na šlachu da palapšeńnia svaich sistem u adpaviednaści z usimi patrabavańniami.
Ale ci sapraŭdy TikTok možna zabaranić?
Spadar Breton zajmieŭ zvyčku ładzić publičnyja demanstracyi taho, što kiravańnie sacyjalnaj płatformaj pad kantrolem, ale dahetul ES nie zabaraniŭ nivodnaj prahramy za parušeńnie jaho źmienlivych praviłaŭ, adznačaje Social media today. Na ciapierašnim etapie heta bolš padobna da publičnaha šturška da ŭzmacnieńnia cisku, čym na mieru, jakaja napraŭdu pahražaje sacyjalnaj sietcy, adznačaje vydańnie.
