U Hrodzienskim abłasnym sudzie 21 listapada 2022 hoda asudzili palitźniavolenaha Ilju Kraŭčeŭskaha pavodle 10 artykułaŭ:
č. 1 art. 342 (aktyŭny ŭdzieł u dziejańniach, jakija hruba parušajuć hramadski paradak), č. 1 art. 368 (abraza Łukašenki), art. 188 (paklop), č. 1 art. 293 (arhanizacyja masavych biesparadkaŭ), č. 2 art. 366 (hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki, albo inšaj asoby, jakaja vykonvaje hramadski abaviazak), č. 2 art. 367 (paklop u dačynieńni da Łukašenki), č. 1 art. 130 (raspalvańnie inšaj sacyjalnaj varožaści), art. 369 (abraza pradstaŭnika ŭłady), č. 3 art. 203-1 (niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych), art. 364 (hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ) Kryminalnaha kodeksa.
Sudździa Ihar Sobaleŭ pryznačyŭ Ilji vosiem hadoŭ i šeść miesiacaŭ pazbaŭleńnia voli ŭ kałonii va ŭmovach ahulnaha režymu, paviedamlaje «Viasna».
Kryminalnuju spravu Ilji razhladali ciaham siami pasiadžeńniaŭ.
Mužčynu dadali ŭ śpis asob, datyčnych da terarystyčnaj dziejnaści. Jamu zabaronienyja hrašovyja pieravody.
Viadoma, što padčas suda jon nie pryznaŭ vinu pavodle art. 342 i art. 364 Kryminalnaha kodeksa.
Padtrymajcie palitviaźnia: Turma № 1. 230023, h. Hrodna, vuł. Kirava, 1 (Ilja Piatrovič Kraŭčeŭski)
