Jak raspaviała žančyna, jaje syn pastupiŭ u kaledž paśla zakančeńnia 9-ha kłasa. Pieršyja try hady — atrymańnie ahulnaj siaredniaj adukacyi, jašče 2,5 hoda — navučańnie śpiecyjalnaści. Syn vučyŭsia biaspłatna, i ŭ hetym hodzie ŭ jaho raźmierkavańnie.
U kaledžy prapanavali niekalki varyjantaŭ pracaŭładkavańnia.
Dziela spraviadlivaści varta adznačyć, što žyllo (pakoj abo miesca ŭ internacie) dajecca praktyčna va ŭsich varyjantach. A voś zarpłata pakazanaja nie ŭsiudy.
Tak, jość varyjanty z adnosna prystojnaj zarpłataj. Naprykład, u ahraharadku Ržaŭka ŭ Mahiloŭskaj vobłaści techniku-prahramistu abiacajuć 500 rubloŭ. Na 100 rubloŭ bolšaja zarpłata ŭ apieratara EVM u Žydčy. Techniku-prahramistu ŭ Sinkievičach Łuninieckaha rajona za miesiac zapłaciać 700 rubloŭ.
Ale ŭ dvuch vypadkach zarpłatu ciažka apisać cenzurnymi słovami.
Acanicie sami: maładomu śpiecyjalistu prapanujuć papracavać dva hady ŭ Bierastavickaj rajbalnicy technikam-prahramistam za zarobak 255,31 rubla na miesiac. Abo inžynieram-prahramistam u Lelčyckim kaledžy — za 256,52 rubla.
Kab atrymać svabodnaje raźmierkavańnie, treba kampiensavać vydatki za navučańnie. A heta za pieršuju prystupku — 6765 rubloŭ, za druhuju — 9530 rubloŭ. Ahułam kala 16295 rubloŭ. Hetyja sumy byli na momant pastupleńnia ŭ kaledž. I, chutčej za ŭsio, ich jašče praindeksujuć.
«Pieršaje pracoŭnaje miesca, viadoma ž, vydatna, ale nie ź miesiačnaj zarpłataj u 255 rubloŭ. Takuju zarpłatu liču nieadekvatnaj», — reziumavała pinčanka.
