«Karol» Ščepana Tvardacha ŭžo ŭ prodažy! Pieršyja dva dni cana 49,90 zł. Dastaŭka ŭ bolšaść jeŭrapiejskich krain», — napisana na staroncy vydaviectva.
Nabyć knihu možna tut.
Čytač ramana «Karol» apynajecca ŭ Varšavie 1937 hoda. Čas supraćstajańnia, kali Polšča mocna adčuvaje fašysckija pavievy z Hiermanii i kamunistyčnyja — z Savieckaha Sajuza. Horad raździrajuć roznyja palityčnyja hrupoŭki: polskija radykalnyja nacyjanalisty i sacyjalisty, pradstaŭlenyja ŭ asnoŭnym jaŭrejami. Mocna adčuvajecca kanflikt na nacyjanalnym hruncie — palaki suprać jaŭrejaŭ.
Na hetym fonie razyhryvajecca drama, ad jakoj nie adarviešsia da apošniaj staronki. Z adnaho boku, ty čytaješ bajavik, sapraŭdny ekšn, dzie nie brakuje stralaniny, hvałtu i seksu. Ale dla aŭtara ŭsio heta tolki instrumienty dla pastanoŭki ŭniviersalnych, viekaviečnych pytańniaŭ, na jakija čałaviek, jaki b jon ni byŭ «maleńki», vymušany adkazvać usio svajo žyćcio.
