Uładzimir Zialenski i Džo Bajden u Vašynhtonie. Fota: AP Photo/Patrick Semansky
Sustreča moža prajści ŭ Varšavie abo ŭ pamiežnym horadzie Žešuvie. Pajezdka Bajdena va Ukrainu nie płanujecca.
Pavodle źviestak vydańnia, sustreča pavinna stać častkaj bolš šyrokaj schiemy ŭrehulavańnia kanfliktu, u ramkach jakoj Zialenski płanuje pradstavić «mirny płan» z 10 punktaŭ i sklikać dla jaho abmierkavańnia mižnarodnuju kanfierencyju, u jakoj voźmuć udzieł krainy-haranty biaśpieki Ukrainy. U ich liku, akramia ZŠA, buduć taksama Kanada, Turcyja, Vialikabrytanija, Izrail, Hiermanija i Polšča.
U płan Zialenskaha ŭvachodzić pytańnie ab stvareńni Mižnarodnaha trybunała, nadańnie harantyj biaśpieki Ukrainy ad jeŭraatłantyčnych arhanizacyj i pryznańnie terytaryjalnaj cełasnaści Ukrainy ŭ miežach da 2014 hoda.
