Fota: AP Photo, File
Pa danych śledstva, Jaŭhien Pryhožyn byŭ nadzieleny paŭnamoctvami pa viarboŭcy, padrychtoŭcy i nakiravańni padnačalenych jamu asob u zonu bajavych dziejańniaŭ na terytoryi Ukrainy.
«Kiraŭnik hetaj PVK niepasredna adkazny za tysiačy vajennych złačynstvaŭ. Jon adkryta pryznaje svaju rolu ŭ viadzieńni vajny suprać Ukrainy i z dazvołu Kramla vyrašaje kadravyja pytańni, viarbujučy dziasiatki tysiač źniavolenych. Adkaznaści nie paźbiehnuć taksama i radavyja vahnieraŭcy, navat tyja, chto źbieh za miažu», — paviedamlaje Kościn.
Prakurory ŭžo praviali dopyty dvuch takich bajcoŭ, jakija znachodziacca ŭ ES. Taksama praciahvajecca pravierka datyčnaści da vajennych złačynstvaŭ jašče adnaho ŭdzielnika PVK, jaki znachodzicca ŭ Narviehii.
«Ja pierakanany, što razam ź mižnarodnymi partniorami my zabiaśpiečym usioabdymnuju adkaznaść jak dla kožnaha złačynca, jaki sa zbrojaj u rukach pryjšoŭ na našu ziamlu, tak i dla ich zastupnikaŭ, jakija robiać biznes na kryvi», — zajaviŭ Kościn.
Kiraŭniku PVK «Vahnier» inkryminavany zamach na terytaryjalnuju cełasnaść i niedatykalnaść Ukrainy i viadzieńnie ahresiŭnaj vajny. Dasudovaje rasśledavańnie ŭ kryminalnaj vytvorčaści viadzie Nacyjanalnaja palicyja Ukrainy.
