Fota: White Helmets
Hetaja ličba nie kančatkovaja i praciahnie raści zbolšaha tamu, što pad zavałami jašče zastajucca ludzi. Va ŭmovach zimovych chaładoŭ mahčymaściaŭ dastać ich adtul žyvymi ŭsio mienš.
Pieršy ziemlatrus mahnitudaj 7,8 adbyŭsia niedaloka ad Hazijantepa na paŭdniovym uschodzie Turcyi ŭ noč na paniadziełak. Praź niekalki hadzin za hetym byŭ novy padziemny šturšok mahnitudaj 7,5.
U Siryi biedstva paharšajecca šmathadovaj hramadzianskaj vajnoj: mnohija budynki ŭžo byli paškodžanyja i ad ziemlatrusu abrynulisia; dostup ratavalnikaŭ i humanitarnaj dapamohi ŭ mnohija rajony abciažarany.
Na poŭdni Turcyi taksama žyvie mnostva biežancaŭ ź Siryi, časta ŭ śpiecham zbudavanych abo starych budynkach. «Adna katastrofa nakłałasia na inšuju, — skazała ŭ intervju Bi-bi-si brytanski vykanaŭčy dyrektar «Daktaroŭ bieź miežaŭ» Natali Robierts, — u hetaj častcy Turcyi, u takich miescach, jak Hazijantep, miljony siryjskich biežancaŭ, i jany časta žyvuć u nie vielmi tryvałym žylli. Heta recept biady».
Prafiesar Lusi Istchoŭp, ekśpiert u halinie likvidacyi nastupstvaŭ stychijnych biedstvaŭ, u intervju Bi-bi-si paraiła ludziam, jakija žadajuć dapamahčy paciarpiełym, dasyłać nie rečy, a hrošy.
«Samaja važnaja i karysnaja reč u hety momant — heta hrošy. Jość niaŭradavyja, dabračynnyja, uradavyja arhanizacyi, jakija ŭsimi siłami imknucca dapamahčy. Što im treba nie tolki ciapier, ale i na hady napierad — heta hrošy», — kaža jana. Źbirać ža, naprykład, ciopłyja rečy, znachodziačysia ŭ dalokaj ad Turcyi ci Siryi krainie, chutčej za ŭsio, bieskarysna.
Uličvajučy palityčnuju situacyju ŭ Siryi, były kaardynatar AAN pa humanitarnaj dapamozie Jan Ehiełand u intervju Bi-bi-si paraiŭ ni ŭ jakim vypadku nie pieravodzić hrošy bakam palityčnaha kanfliktu ŭ Siryi — ni režymu Asada, ni apazicyi.
«Usia dapamoha pavinna iści praź niaŭradavyja arhanizacyi — ahienctva AAN, sistemu Čyrvonaha Kryža i Čyrvonaha Paŭmiesiaca», — skazaŭ jon.
