Fota ilustracyjnaje. AP

Fota ilustracyjnaje. AP

Pra heta «Miedyjazonie» raspaviali svajaki kantraktnika.

Pa słovach maci Iryny Kartašovaj, 6 lutaha joj patelefanavali z ukrainskaha numara i paviedamili, što syn u pałonie, a potym pieradali trubku Mikałaju.

«Jon skazaŭ: «Ja ŭ pałonie, sa mnoj abychodziacca dobra, nie chvalujciesia». A tam [pa telefonie] skazali, što jany na abmien jaho [pašluć]. Ja kažu: «Synok, jak tak atrymałasia?» A adtul hołas: «Astatnija miortvyja, dobra, što jon žyvy», — raspaviadaje jana.

Svajaki padali zvarot u vajenkamat i ŭ vajskovuju čaść — Kartašoŭ słužyŭ u vajskovaj čaści «pskoŭskich desantnikaŭ».

Prysud jamu Novačarkaski harnizonny vajskovy sud vynies 16 śniežnia 2022 hoda. Jak paviedamili «Miedyjazonie» ŭ pres-słužbie suda, Kartašovu pryznačyli hod umoŭna za toje, što jon dvojčy nie źjaviŭsia ŭ častku padčas bajavych dziejańniaŭ va Ukrainie. Małady čałaviek samavolna viarnuŭsia z zony bajoŭ i adpraviŭsia dadomu ŭ Rastoŭskuju vobłaść.

Jak udakładniŭ «Miedyjazonie» brat Kartašova Dźmitryj, kali rašeńnie suda ŭstupiła ŭ siłu, Mikałaj pryjšoŭ pa prysud da prakurora, a toj skazaŭ jamu źjavicca ŭ pskoŭskuju vajskovuju čaść. Pa słovach Dźmitryja, u čaści treba było razbłakavać kartu «i atrymać vajenny bilet, tamu što, ź jaho słoŭ, bilet zhareŭ u tanku abo BTR».

«U čaści akazałasia, što dźvie ŭznaharody jamu niejkija pryjšli i ŭsio. Adtul adpravili [va Ukrainu] — skazali, što kantrakty nie skasoŭvajucca, i adpravili dasłužvać paŭhoda kantrakta», — kaža brat pałonnaha.

Va ŭkazie Uładzimira Pucina ab mabilizacyi skazana, što kantrakt ciapier moža być skasavany tolki «ŭ suviazi z ustupleńniem u zakonnuju siłu prysudu suda ab pryznačeńni pakarańnia ŭ vyhladzie pazbaŭleńnia voli».

Maci Mikałaja Kartašova ŭdakładniaje, što apošni raz syn patelefanavaŭ joj sa svajho telefona 1 lutaha i skazaŭ, što znachodzicca pad Kramiannoj, adkul rychtujucca iści ŭ nastup — pra sproby abo padrychtoŭku nastupu ŭ rajonie hetaha horada paviedamlajuć jak rasijskija, tak i ŭkrainskija krynicy.

Клас
6
Панылы сорам
13
Ха-ха
23
Ого
10
Сумна
5
Абуральна
5