U Biełarusi siaredniaja zarpłata na ruki pa vynikach listapada 2022 hoda skłała 1417 rubloŭ, ci kala 500 jeŭra.
Mienš za biełarusaŭ u našym rehijonie zarablajuć tolki va Ukrainie, jakaja vajuje (kala 300—350 jeŭra). Dakładnaj infarmacyi pa Ukrainie niama, bo paśla pačatku vajny ŭkrainskaja Dziaržaŭnaja słužba statystyki pierastała publikavać danyja ab zarobkach u krainie.
Siaredni zarobak «čystymi» ŭ Polščy pa stanie na listapad 2022 hoda składaŭ 1101 jeŭra. U Litvie pa danych za treci kvartał minułaha hoda — 1127 jeŭra. U Łatvii siaredni zarobak na ruki składaje 1012 jeŭra. Siaredni zarobak u Rasii pa infarmacyi za listapad 2022 hoda składaŭ 706 jeŭra.
Siarod postsavieckich krain najbolšyja siarednija zarobki zafiksavanyja ŭ Estonii, tam paśla spłaty padatkaŭ u siarednim zarablajuć 1419 jeŭra.
Samyja vysokija siarednija zarobki na jeŭrapiejskim kantyniencie ŭ Šviejcaryi, tam u siarednim zarablajuć kala 6200 jeŭra
ŭ miesiac.
Čytajcie taksama: Fizasoby ŭ Biełarusi ŭ studzieni pradali najaŭnaj valuty bolš, čym kupili
