Fota: asabisty archiŭ Jaŭhiena Michasiuka
Novaja čaść — heta tak zvany «Druhi lehijon» u składzie Uzbrojenych sił Ukrainy. Im kiruje ŭkrainiec, pałkoŭnik Rusłan Mirašničenka. Jon maje dośvied raboty z roznymi zamiežnikami, u tym liku anhłamoŭnymi. Raniej jon fihuravaŭ u zamiežnaj presie jak «kiraŭnik zamiežnych dabraachvotnikaŭ».
Słužyŭ jon u kiraŭnictvie asobnaj bryhady śpiecyjalnaha pryznačeńnia imia Ivana Bahuna, zvańnie pałkoŭnika atrymaŭ niadaŭna.
«Druhi lehijon» byŭ stvorany napačatku śniežnia 2022-ha. Detalaŭ stvareńnia mała, kiraŭnictva ź mierkavańniaŭ biaśpieki pakul nie razmaŭlaje z žurnalistami.
Možna mierkavać, što «Druhi lehijon» staŭ vynikam sustrečy hałoŭnakamandujučaha ŭkrainskaj armijaj Valeryja Załužnaha z padpałkoŭnikam Valeryjem Sachaščykam, pradstaŭnikom pa pytańniach biaśpieki i abarony Abjadnanaha pierachodnaha kabinieta biełaruskaj apazicyi.
Pryznačeńnie ŭkrainca kamandziram — zrazumieły chod, tamu što biełarusy nie mohuć mieć aficerskich zvańniaŭ i, adpaviedna, kiravać vialikimi złučeńniami va USU.
Aproč biełarusaŭ, u składzie «Druhoha lehijona» prysutničajuć bajcy inšych nacyjanalnaściaŭ.
Čaść — mahčymaść dla pierachodu ŭ jaje tych biełarusaŭ, jakija byli nie zadavolenyja stanam rečaŭ u inšych biełaruskich padraździaleńniach. Pakolki biełarusy va Uzbrojenych siłach Ukrainy — dobraachvotniki, jany bolš patrabavalnyja da ŭmovaŭ, taktyki i stratehii, čym ukrainskija vajskoŭcy.
Fota: sacsietki
Adzin z bajcoŭ, jaki dałučyŭsia da novaj častki — 28-hadovy Jaŭhien Michasiuk. Jon byŭ adnym ź pieršych biełarusaŭ, chto zapisaŭsia ŭ terytaryjalnuju abaronu adrazu paśla pačatku vajny.
Paśla chłopiec trapiŭ u połk Kalinoŭskaha, ale adtul syšoŭ u śniežni 2022-ha.
U Biełarusi Michasiuk byŭ hramadskim aktyvistam. Jaho zatrymlivali jašče da vybaraŭ, u lipieni 2020 za ŭdzieł u viełaprabiehu salidarnaści. U žniŭni 2020-ha jaho pa-źviersku źbili łukašenkaŭskija siłaviki, jon trapiŭ u špital. Ź Biełarusi va Ukrainu Jaŭhien źjechaŭ, kali pačalisia masavyja represii.
«Tak skłalisia abstaviny, što vialikaja častka ludziej syšła z «Pahoni», pałka Kalinoŭskaha. I usie jany šukali mahčymaść abjadnacca, kab praciahvać vajavać. Taksama byŭ jašče zapyt ad ludziej, jakija nie davučylisia, ŭ ich niama vajskovaha dośviedu», — raskazvaje Jaŭhien «Našaj Nivie» pra pierachod u novaje padraździaleńnie.
Jon miarkuje, što ŭ čaści budzie niekalki sotniaŭ vajaroŭ. Staŭku robiać na vuzkija śpiecyjalnaściami — inžyniery, snajpiery, minamiotčyki.
Ciapier starajucca ŭkamplektavać užo isnujučyja hrupy.
«Jany ŭžo buduć zdolnyja vykonvać bajavyja zadačy. Vidavočna, što praź nievialikuju kolkaść ludziej my zmožam ich rabić nie ŭsie. Ale na pryfrantavuju zonu možna jechać. Dumaju, što ŭ najbližejšyja miesiac-dva my pačniom bajavyja vyjezdy.
Šukajem ludziej, jakija b da nas dałučylisia», — kaža jon.
Z nazvaj dla čaści bajcy vyrašyli vyznačycca paśla taho, jak pakažuć siabie ŭ spravie.
«Ahulnaja pazicyja takaja, što naša hrupa nie imkniecca zajmacca pijaram, palityčnaj dziejnaściu, — tłumačyć Jaŭhien. — Chočam spačatku pavajavać, a paśla budziem abmiarkoŭvać nazvu dla čaści. Spačatku ŭsio ž treba pakazać siabie ŭ spravie».
Biełarusy — samaja šmatlikaja hrupa siarod zamiežnych dobraachvotnikaŭ, jakija abaraniajuć Ukrainu.
Našy surazmoŭcy z novaj čaści spadziajucca, što novaja struktura zdoleje atrymać sučasnaje ciažkaje ŭzbrajeńnie. Metava dla biełarusaŭ.
Nakolki ŭsio budzie iści pa płanie, pakul niajasna. Mahčyma, ukrainskaje kamandavańnie maje inšaje bačańnie pryjarytetaŭ, čym biełaruskija inicyjatary stvareńnia novaj čaści.
Ciapier biełaruskija dobraachvotniki vajujuć u Pałku Kalinoŭskaha — samym šmatlikim z farmiravańniaŭ, u jakim vajujuć biełarusy, a taksama ŭ małalikim Pałku «Pahonia» i Biełaruskim dobraachvotnickim korpusie, kudy ŭvajšli, siarod inšych, bataljon «Teror», a taksama viadomyja dobraachvotniki Ihar «Janki» Jankoŭ i Andrej «Bieśśmiarotny» Traceŭski.
Čytajcie taksama:
Sachaščyk: Va Ukrainie budzie stvoranaja biełaruskaja vajskovaja čaść, z artyleryjaj
«Ukraincy žartujuć: nie chvalujciesia, zaraz vyzvalim siabie, pojdziem ratavać vas». Pahutaryli ź biełarusam, jaki zapisaŭsia ŭ terytaryjalnuju abaronu Ukrainy
«Pałonnyja prasilisia, kab ich nie bili, nie stralali». Kalinoviec raskazaŭ detali apieracyi pa zachopie płacdarma pad Chiersonam
Nad Bachmutam ukraincy źbili rasijski samalot
čto-to tipa Džientielmieny udači? a połk Klinovskoho nie vojujet? vsie jaśnieńko ličnyje prioritiety. patriotam Biełarusi łučšie uvoliťsia poka nie ubili i ujechať iz Ukrainy.