Fota: Seth Wenig, AP
Dziaržsakratar ZŠA Entani Blinkien daŭ vialikaje intervju časopisu The Atlantic, u jakim raspavioŭ pra niekatoryja niuansy dypłamatyčnaj i vajskovaj padrychtoŭki Ukrainy jašče da poŭnamaštabnaha ŭvarvańnia Rasii. Stenahrama intervju była apublikavana na sajcie Dziarždepartamienta ZŠA 23 lutaha pierad hadavinaj pačatku vajny.
U im Blinkien raspavioŭ, što jašče pierad vajnoj ZŠA niekalki miesiacaŭ zakulisna rychtavali Ukrainu da adbićcia pieršapačatkovaha ŭdaru pa Kijevie.
«Jašče da rasijskaha ŭvarvańnia my niekalki miesiacaŭ pracavali nad tym, kab va ŭkraincaŭ była nieabchodnaja zbroja i vysoki ŭzrovień arhanizavanaści dla adbićcia pieršaha ŭdaru pa Kijevie z paŭnočnaha kirunku, jaki my sapraŭdy pradbačyli zahadzia. Zrazumieła, što i Ukraina, i Jeŭropa, i mižnarodnaja supolnaść i tak viedali pra padrychtoŭku Rasii da vajny, adnak našy ekskluziŭnyja źviestki tyčylisia mienavita taho, što kankretna Rasija źbirajecca rabić na stratehičnym i taktyčnym uzroŭniach», — raspavioŭ Blinkien.
Pavodle jaho słoŭ, hetyja samyja źviestki jon pa prośbie Bajdena asabista pieradaŭ Zialenskamu padčas adnaho z aficyjnych mierapryjemstvaŭ u Jeŭropie jašče ŭ kastryčniku 2021 hoda.
«Ja padzialiŭsia z prezidentam Zialenskim usimi tymi raźvieddanymi, što ŭ nas byli. Jon pastaviŭsia da hetaha vielmi surjozna i staična, zadaŭ niekalki pytańniaŭ i pryvioŭ niekatorych svaich daradcaŭ, kab my razam abmierkavali dalejšyja dziejańni. Ukrainskaje kiraŭnictva vyrašyła rychtavacca da hetaha cicha, bo chacieła paźbiehnuć paniki siarod nasielnictva i ekanamičnaha ŭronu razam sa źnižeńniem zamiežnych inviestycyj.
Tak što, moža być, mienavita z-za hetaha ludzi byli krychu ździŭleny tym, nakolki dobra ŭkraincy spraŭlalisia ŭ pačatku vajny i praciahvajuć spraŭlacca ciapier», — skazaŭ Blinkien.
Na jaho dumku, ZŠA nie čakali, što Ukraina zmoža dać taki adpor Rasii. Zaraz u pryjarytecie staić fiksacyja doŭhaterminovaha i stabilnaha miru biez terytaryjalnych kampramisaŭ z boku Ukrainy, bo faktyčna Rasija ŭžo prajhrała hetuju vajnu i nie zmoža dasiahnuć svaich met.
«Pucin paciarpieŭ fundamientalnuju niaŭdaču — Ukraina była, jość i zastaniecca suvierennaj, niezaležnaj krainaj. Ciapier ža hałoŭnaje zafiksavać hety vynik na dypłamatyčnaj i vajennaj nivie, kab hetaha bolš nie paŭtaryłasia.
Mir pavinien być tryvałym i spraviadlivym, tamu my maksimalna prykładajem namahańni, kab dapamahčy im zaraz viarnuć terytoryju, jakaja była ŭ ich adabrana z 2022 i z 2014 hoda. Usie hałoŭnyja rašeńni ab svaim losie prymajuć sami ŭkraincy», — adznačyŭ Blinkien.
Taksama dziaržsakratar dadaŭ, što ZŠA aktyŭna sočać za adnosinami Rasii i Kitaja, jakija mohuć vylicca ŭ adkrytuju vajskovuju padtrymku z boku apošniaha. Pry hetym jon pryznaŭ, što Kitaj užo pastaŭlaŭ rasijanam kampanienty padvojnaha pryznačeńnia.
«Kitaj u asnoŭnym trymaje liniju vykanańnia sankcyj i nieŭmiašańnia ŭ vajnu, adnak ź jaho boku ŭžo była padtrymka Rasii tavarami i kampanientami padvojnaha pryznačeńnia, ale heta nie mieła charaktaru pramych vajskovych pastavak. Ale zaraz Kitaj, pavodle našaj infarmacyi, surjozna pra heta zadumvajecca, tamu my ŭsialak imkniomsia dać jamu zrazumieć, što heta budzie katastrafičnaj pamyłkaj», — padzialiŭsia Blinkien.
Jaho finalnym pasyłam u intervju było toje, što mižnarodnaje zakanadaŭstva i paradak — heta vynik sumiesnaj pracy nie tolki zachodnich demakratyj, ale i inšych dziaržaŭ z roznymi formami praŭleńnia i z roznymi palityčnymi pohladami na ŭsioj płaniecie.
Na dumku Blinkiena, ZŠA imknucca padtrymlivać hetuju šmatpalarnaść i nie davać ahresaram parušać zakony i ŭnosić u śviet chaos.
«Kali lubaja ahresija budzie praciahvacca biaskarna, jana moža adčynić skryniu Pandory, što pierakanaje inšych patencyjnych ahresaraŭ u takoj ža biespakaranaści», — padahulniaje jon.
Čytajcie jašče:
«Biełarusy vajavać nie prahnuć». Vydańnie The Wall Street Journal źniało repartaž ź biełaruska-ŭkrainskaj miažy
U ISW patłumačyli, čamu Pucin nie prakamientavaŭ hadavinu ŭvarvańnia Rasii va Ukrainu
«13:00 uziaćcie Kijeva. 18:00 kancert Hazmanava». Stenahrama i chranałohija taho, što biełaruskija prapahandysty ŭ ekstazie pisali 24—25 lutaha 2022 hoda
jak zaŭždy - biednyja ludzi... biednyja prostyja ŭkraincy...