Fota: thomsonmedical.com
Daśledčyki nie viedajuć, čamu pakazčyki siarod maładych ludziej rastuć. Pa słovach ankołahaŭ, viadomyja faktary ryzyki, takija jak niezdarovaje charčavańnie, užyvańnie ałkaholu i adsutnaść fizičnaj aktyŭnaści, mohuć spryjać, ale nie całkam tłumačać hetuju tendencyju. Niekatoryja ličać, što pryčynaj moža być źmiena mikrabijomu (mikraarhanizmaŭ) u ciele čałavieka, vyklikanaja źmienami ŭ navakolnym asiarodździ.
«Ja baču šmat maładych pacyjentaŭ, jakija viaduć zdarovy ład žyćcia, ale ŭ ich dyjahnastujuć mietastatyčny rak toŭstaj kiški», — kaža Kimi Nh, dyrektar Centra rańniaha kałarektalnaha raku ŭ Ankałahičnym instytucie Dana-Farbier u Bostanie.
Jašče adna tendencyja — u maładych ludziej kałarektalny rak vyjaŭlajuć na bolš poźnich stadyjach zachvorvańnia. Čamu tak adbyvajecca, taksama nie jasna. Heta moža zdaracca z-za niedakładnych pakazčykaŭ skryninhu, v taksama praz toje, što ŭ bolš maładych pacyjentaŭ lekary schilnyja pamyłkova prymać takija simptomy, jak bol u žyvacie, kroŭ u stule i nienaŭmysnuju stratu vahi za prykmiety inšych chvarobaŭ.
Na padstavie hetych danych Amierykanskaje ankałahičnaje tavarystva i kamisija, što padtrymlivajecca ŭradam ZŠA, u apošnija hady źnizili rekamiendavany paroh dla skryninhu z 50 da 45 hadoŭ. Pa słovach hałoŭnaha vykanaŭčaha dyrektara ACS Karen Knudsen, ludzi, u čyich svajakoŭ byŭ rak toŭstaj kiški abo jakija majuć inšyja faktary ryzyki, pavinny źviarnuć uvahu na hetuju prablemu jašče da taho, jak im spoŭnicca 45.
