«Jak vy ličycie, ci pavinna Polšča zakryć usie pierachody na polskaj miažy ź Biełaruśsiu?», — takoje pytańnie było zadadzienaje ŭdzielnikam apytańnia.
Śćviardžalna adkazali 54,1% respandentaŭ. Adkaz «nie» dali 28,4%. 17,5% nie majuć dumki pa hetym pytańni.
«6 z 10 respandentaŭ va ŭzroście ad 25 da 34 hadoŭ i krychu mienšaja častka (57%) respandentaŭ ź siaredniaj adukacyjaj ličać, što pamiežnyja pierachody pamiž Polščaj i Biełaruśsiu pavinny być zakrytyja. 63% respandentaŭ z haradoŭ z nasielnictvam ad 100000 da 199000 čałaviek i takaja ž dola respandentaŭ (62%) z prybytkam ad 4001 da 5000 złotych nieta (900 — 1130 USD) ličać, što Polšča pavinna zakryć usie pamiežnyja pierachody ź Biełaruśsiu», — prakamientavaŭ vyniki staršy mieniedžar prajekta SW Research Adam Jastrženbski.
Apytańnie pravodziłasia siarod karystalnikaŭ anłajn-paneli SW Panel z 28 lutaha pa 1 sakavika. Analizam była achoplenaja hrupa z 800 internet-karystalnikaŭ, starejšych za 18 hadoŭ. Vybarka była adabranaja na asnovie vypadkovych kvot.
Paśla abviaščeńnia prysudu žurnalistu Andreju Pačobutu Polšča prypyniła pracu punkta propusku «Babroŭniki». A ŭ adkaz na novyja niedružalubnyja kroki z boku Biełarusi z 21 lutaha abmiežavała ruch biełaruskich hruzavych aŭtamabilaŭ praz pamiežny pierachod «Kukuryki-Kazłovičy».
