«U pieršyja dni byli pieratrusy ŭ vielmi dalokaj radni, i z tych ludziej nie brali padpiski ab nievydavańni. Ad ich my viedajem, što artykuł, pavodle jakoha zabirali Paŭła i pravodzili ŭsie hetyja dziejańni, — heta 361-4», — raskazała Iryna Čarniaŭka.
Jaki kankretna epizod inkryminujuć Paŭłu Mažejku, Iryna nie viedaje.
«Viedaju, što zabrali techniku z chaty. Prychodziła maja mama i bačyła, što techniki ŭ domie niama. Samaje cikavaje, što heta taja technika, jakuju jany ŭžo zabirali, trymali i viartali. Jana trošački pabyła doma, znoŭ zabrali. Dla nas heta vyhladaje trošački biessensoŭnymi, biazdumnymi ruchami, adzinaja meta jakich — prosta zakryć čałavieka, kab jon nie byŭ na voli», — skazała Čarniaŭka.
Niekalki tydniaŭ tamu Pavieł mieŭ mahčymaść sustrecca z maci i siastroj. Razmova išła praz škło i telefonnuju trubku. Pavodle Iryny Čarniaŭki, maci Mažejki
«źviarnuła ŭvahu na ślady chiba što naručnikaŭ na rukach. Kali jaho zatrymlivali, my razumiejem, što jaho zatrymlivali žorstka. Praz paŭhoda zastalisia ślady naručnikaŭ na zapiaściach, heta, kaniešnie, nas usich pryvodzić u rospač, što takija rečy adbyvajucca i što my ničym nie možam dapamahčy.
Samaje hałoŭnaje, što my praktyčna nie majem nijakaj infarmacyi. Jon byŭ u dobrym stanie i kazaŭ, što ź im usio ŭ paradku».
Paŭła Mažejku zatrymali i aryštavali 30 žniŭnia 2022 hoda ŭ Hrodnie paśla viartańnia z Polščy. Artykuł 361-4 Kryminalnaha kodeksa Biełarusi (sadziejničańnie ekstremisckaj dziejnaści) praduhledžvaje maksimalnaje pakarańnie da 7 hadoŭ źniavoleńnia.
