Fota ilustracyjnaje
Miascovaja žycharka, 1968 hoda naradžeńnia, pierachodziła čyhunačnyja šlachi pa abstalavanym tut pierachodzie. U hety čas išoŭ ciahnik Mahiloŭ — Homiel, prypynak jakoha na pierahonie nie praduhledžany.
Piešachodaŭ papiaredžvała sihnalizacyja, što pierachodzić tut nielha, adnak žančyna na jaje nie zreahavała. Mašynist ciahnika, pabačyŭšy čałavieka, padaŭ papieradžalny sihnał, jaki taksama zastaŭsia pa-za ŭvahaj.
I choć mašynist uklučyŭ ekstrannaje tarmažeńnie, paźbiehnuć najezdu na piešachoda jamu nie ŭdałosia. Žančyna atrymała traŭmy, niesumiaščalnyja z žyćciom. Pa hetym vypadku pravodzicca rasśledavańnie.
