Uładzimir Pucin i Si Czińpin. Fota kremlin.ru
Staršynia KNR Si Czińpin zaprasiŭ Uładzimira Pucina ŭ Kitaj u 2023 hodzie.
«Ja ŭčora zaprasiŭ prezidenta Pucina ŭ zručny dla jaho čas u hetym hodzie naviedać Kitaj ź vizitam, pakolki ŭ hetym hodzie ŭ Kitai adbudziecca treci mižnarodny forum u ramkach «Adnaho pojasa — adnaho šlachu». U papiarednich dvuch forumach prezident Pucin pryniaŭ udzieł», — skazaŭ Si.
Si Czińpiń raspavioŭ pra forum padčas sustrečy z rasijskim premjer-ministram Michaiłam Mišuścinym, jakoha kitajski lidar taksama zaprasiŭ u hości.
Prajekt «Adzin pojas — adzin šlach» kiraŭnictva Kitaja zadumała jašče ŭ 2013 hodzie dla ekanamičnaha partniorstva ź Blizkim Uschodam i ŭ Jeŭropaj, kab realizavać dva bujnyja prajekty — suchaputny «Ekanamičny pojas Šaŭkovaha šlachu» i «Marski šlach XXI stahodździa». Ciapier prajekt achoplivaje 78 krain u Azii, Afrycy i Jeŭropie, ź jaho dapamohaj Kitaj maje namier zachoplivać novyja rynki i pašyrać svoj upłyŭ.
