Piroh sa sparžaj i syram — śviežy, sytny i viasnovy 6

Fota: taste.com.au

Kab vy nie hublali času i paśpieli jak śled adpačyć u vychadnyja, prapanujem recept, u jakim vykarystoŭvajecca ŭžo hatovaje ciesta. Adnak źviarnicie ŭvahu, što, tak jak dla hatavańnia patrabujecca niašmat inhredyjentaŭ, važnuju rolu ihraje ich jakaść.

Kali vam udasca padać hety piroh ciaham hadziny paśla vypiakańnia, to jon budzie ŭ najlepšym vyhladzie — z chrustkim ciestam i jašče raspłaŭlenym syram. Ale praz paru hadzin piroh taksama budzie dobry.

Vam spatrebicca:

• 300 h niatłustaha syru rykota,
• 100 h niatłustaha syru fieta, raskryšanaha,
• 2 č. ł. drobna naciortaj cedry limona,
• 2 č. ł. śviežaha liścia limonnaha čabaru,
• zialonaja cybula, drobna pakryšanaja,
• 2 pučki (400 h) sparžy, narezanaj,
• 2 listy hatovaha słojenaha ciesta, častkova razmarožanaha,
• 2 st. ł. małaka,
• 1 st. ł. drobna narezanaha liścia śviežaha baziliku,
• 1 č. ł. dyžonskaj harčycy,
• 1 1/2 st. ł. limonnaha soku,
• 1 st. ł. aliŭkavaha aleju,
• rukała i dolki limona, dla padačy.

Hatavańnie:

1. Razahrejcie duchoŭku da 200 °C/180 °C z kanviekcyjaj. Zaścialicie dźvie blachi papieraj dla vypiečki.
2. Źmiašajcie ŭ miscy rykotu, fietu, cedru limona, čabor i cybulu.
3. Advarycie sparžu ŭ kastruli z kipiačaj vadoj ad 3 da 5 chvilin ci pakul jana nie stanie miakkaj. Asušycie.
4. Vykładzicie ciesta na padrychtavanyja blachi, a na ciesta — sumieś z rykotaj, pakidajučy pa krajach 2 santymietry biez načynki. Źvierchu ŭpryhožcie sparžaj. Zahnicie krai ciesta ŭvierch i pašmarujcie ich małakom. Vypiakajcie 30 chvilin ci pakul ciesta nie padnimiecca i nie padrumianicca.
5. Tym časam źmiaścicie bazilik, harčycu, limonny sok i alej u słoik. Nadziejna zakrucicie nakryŭkaj i patrasicie, kab usie składniki źmiašalisia.
6. Kožny z dvuch pirahoŭ razrežcie na čatyry častki. Apyrskajcie ŭsio sumieśsiu z baziliku i limonnaha soku. Padavajcie z rukałaj i dolkami limona.

Čytajcie jašče:

Recept na vychadnyja. Kiš z syru i cybuli — prostaja francuzskaja strava

Niezvyčajnaje ŭ zvyčajnym: RECEPT pasty z rykotaj i špinatam 

«Charčujemsia jak u restaranie, vybirajem syr pad nastroj». Siamja mastakoŭ pierajechała ŭ viosku i robić tradycyjnyja syry

2

0

0

1

1

0

Nashaniva.com