23.03.2023
/ 17:39 / Ałharytmičny łacinski varyjant
U Mahilovie dali dva hady kałonii žančynie ź psichałahičnymi prablemami
Sud Kastryčnickaha rajona Mahilova 21 sakavika asudziŭ 32-hadovuju Volhu Ivančanku da realnaha pazbaŭleńnia voli za «paklop u dačynieńni da Alaksandra Łukašenki, jaho publičnuju abrazu» (art.367 i art. 368 KK RB). Pavodle infarmacyi kanała Mayday team, u Volhi Ivančanki jość rasstrojstva aŭtystyčnaha śpiektru. Paśla zatrymańnia jaje kala miesiaca trymali ŭ RNPC psichičnaha zdaroŭja ŭ Navinkach.
Zhodna z materyjałami spravy, Volha Ivančanka raźmiaściła na svajoj staroncy ŭ adnakłaśnikach «tekst z vyjavaj, jakaja źmiaščaje zahadzia iłžyvyja vydumki», što nibyta hańbiać Alaksandra Łukašenku, źnievažajuć jaho honar i hodnaść, nakiravanyja na padryŭ jaho aŭtarytetu i farmavańnie niehatyŭnaha vobrazu».
Akramia hetaha, žančyna raźmiaściła pad hetym pastom «kamientaryi ź jaho niehatyŭnaj acenkaj, jakija źmiaščajuć nienarmatyŭnuju leksiku».
Sudździa Natalla Jasienka pakarała Volhu Ivančanka 2 hadami pazbaŭleńnia voli ŭ kałonii ahulnaha režymu.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
