Vajskovy analityk: rašeńnie rasijskaha kamandavańnia pačać zimovy nastup było pamyłkaj i padarunkam dla Ukrainy 3

Bachmut. Fota: Libkos, File / AP Photo

Tak ličyć vajskovy analityk Dackaha karaleŭskaha abaronnaha kaledža Anders Nilsen.

Na jaho dumku, Ukraina śviadoma dazvoliła Uzbrojenym siłam Rasii atakavać i raschodavać svaje resursy, pry hetym Uzbrojenyja siły Ukrainy, znachodziačysia ŭ abaronie, nieśli značna mienšyja straty. Mienavita z metaj dalejšaha źniasileńnia rasijskich vojskaŭ ukrainskim kiraŭnictvam było pryniata rašeńnie praciahvać utrymlivać Bachmut — u vypadku adstupleńnia ad horada rasijanie mahli b spynicca i pačać pierahrupoŭku vojskaŭ.

Adnak u situacyi, kali Bachmut nie zachopleny, rasijanie praciahvajuć kidać na šturmy svaje siły, jakija mahli b spatrebicca dla adbićcia ŭkrainskaha kontrnastupleńnia. Takim čynam Bachmut staŭ svajho rodu hienierataram dynamiki na pieradavoj.

Zimovy nastup Rasii byŭ pamyłkaj. Ukraina akazałasia ŭ supiervyhadnym stanoviščy ŭ studzieni i lutym. U cełym jana vyjšła ź zimovaj kampanii ŭ dobrym stanoviščy, a Uzbrojenyja siły Rasii prademanstravali, što ŭžo nie ŭ stanie praryvać liniju frontu. Jany sprabavali, ale paciarpieli niaŭdaču.

My nie viedajem, ci jość va Ukrainy siły, kab prasunuć liniju frontu. Pra heta stanie viadoma ŭ najbližejšyja miesiacy, kali budziem nazirać, jak idzie ich kontrnastupleńnie. Ale my viedajem, što Rasija nie ŭ stanie heta zrabić. Jana vydatkavała šmat svaich resursaŭ zimoj. U jaje raście niedachop žyvoj siły i ŭzbrajeńniaŭ.

Čytajcie taksama:

Minabarony Vialikabrytanii: Rasijskija vojski viartajucca da abarony paśla niaŭdałaha nastupu na Bachmut

Sakratar Rady nacyjanalnaj biaśpieki i abarony Ukrainy: Bachmut dla nas źjaŭlajecca klučavym punktam

Rasijanie prasunulisia pad Bachmutam, ale nie mohuć nastupać u inšych kirunkach — brytanskaja raźviedka

57

2

1

1

1

2

Nashaniva.com