Namioty rasijskich vajskoŭcaŭ na Abuz-Lasnoŭskim palihonie
«Ciapier, pavodle našych źviestak, krychu bolš za 4 tysiačy vajskoŭcaŭ Uzbrojenych sił Rasii znachodziacca na terytoryi Biełarusi, ale jany ŭ asnoŭnym pryciahnuty abo na sumiesnyja vučeńni, abo da padrychtoŭki, jakaja praciahvajecca ŭ Biełarusi. Hetaja kolkaść niekalki mienšaja, čym była raniej, bo tyja padraździaleńni, što prajšli padrychtoŭku, Rasija vyvieła ź Biełarusi na svaju terytoryju dla dalejšaj pierakidki, u tym liku na ŭschod našaj krainy, dzie viaducca poŭnamaštabnyja bajavyja dziejańni».
U kastryčniku 2022 hoda Minabarony nazyvała ahulnuju kolkaść rasijskich vajskoŭcaŭ u składzie rehijanalnaj hrupoŭki vojskaŭ Biełarusi — mienš za 9 tysiač čałaviek. Alaksandr Łukašenka ŭ lutym 2023 hoda kazaŭ, što «trymaje» kala 15 tysiač rasijan u Biełarusi. «Ja ich rychtuju. Bolš za dziesiać tysiač čałaviek… piermanientna», — paviedamiŭ jon.
