«Na praciahu apošnich dvuch z pałovaj hadoŭ Respublika Biełaruś padviarhajecca biesprecedentnamu palityčnamu, ekanamičnamu i infarmacyjnamu cisku z boku ZŠA, Vialikabrytanii i ich sajuźnikaŭ pa NATA, a taksama dziaržaŭ — členaŭ Jeŭrapiejskaha sajuza. Heta pramoje i hrubaje ŭmiašańnie va ŭnutranyja spravy niezaležnaj dziaržavy, nakiravanaje na źmienu hieapalityčnaha kursu i źmianieńnie ŭnutrypalityčnaha ładu Biełarusi, prama supiarečyć abaviazacielstvam, uziatym na siabie asobnymi padpisantami Miemaranduma ab harantyjach biaśpieki ŭ suviazi z dałučeńniem Respubliki Biełaruś da Dahavora ab nieraspaŭsiudžańni jadziernaj zbroi (DNIAZ). Adnabakovyja prymusovyja miery ŭ palitycy i ekanomicy supravadžajucca naroščvańniem na terytoryi susiednich krain — členaŭ NATA vajennaha patencyjału ŭ niepasrednaj blizkaści la našych miež.
Uličvajučy nazvanyja abstaviny i zakonnyja zakłapočanaści i ryzyki ŭ śfiery nacyjanalnaj biaśpieki, jakija vynikajuć ź ich, Biełaruś pradprymaje vymušanyja dziejańni ŭ adkaz pa ŭmacavańni ŭłasnaj biaśpieki i abaranazdolnaści.
Vajennaje supracoŭnictva Biełarusi i Rasii ažyćciaŭlajecca ŭ strohaj adpaviednaści ź mižnarodnym pravam.
Navučańnie biełaruskich piłotaŭ, zdolnych kiravać samalotami sa śpiecyfičnymi bojeprypasami, madernizacyja takich samalotaŭ, roŭna jak i raźmiaščeńnie jadziernych bojezaradaŭ na terytoryi Biełarusi bieź pieradačy Minsku kantrolu za imi, a taksama dostupu da adpaviednych technałohij, nijakim čynam nie supiarečać pałažeńniam artykułaŭ I i II DNIAZ», — havorycca ŭ zajavie MZS.
Čytajcie jašče:
«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»
«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi
ES hatovy ŭvieści novyja sankcyi, kali ŭ Biełarusi budzie raźmieščana jadziernaja zbroja, — Barel
