Fota: telehram-kanał «Naviny PVK»
Jak raspaviała palicyjantam sama piensijanierka, padpalić vajenkamat jaje nibyta pierakanali ašukancy. Sa słoŭ žančyny, 30 sakavika joj patelefanavali ludzi, jakija pradstavilisia supracoŭnikami banka, i prapanavali paŭdzielničać u «zasakrečanaj apieracyi suprać terarystaŭ». Jana pahadziłasia.
Na nastupny dzień z žančynaj źviazalisia «z FSB» i rastłumačyli, što «apieracyja» budzie prachodzić u miascovym vajenkamacie. Pa słovach piensijanierki, čałaviek, jaki telefanavaŭ joj, raskazaŭ, jak zrabić «kaktejl Mołatava», jakim treba budzie «napałochać terarystaŭ».
U toj ža dzień piensijanierka pryniesła butelku z zapalnaj sumieśsiu da vajenkamata, ale padpalić budynak nie atrymałasia, i taja pajšła dadomu. Pa darozie nazad joj znoŭ patelefanavali, pierakanaŭšy žančynu pasprabavać jašče raz, śćviardžaje jana. Paśla viartańnia la vajenkamata jaje ŭžo čakali siłaviki, jakija zatrymali piensijanierku.
Taksama, jak piša Shot, u jaje vykrali 400 tysiač rasijskich rubloŭ.
Pa danych 66.ru, suprać žančyny raspačali kryminalnuju spravu ab zamachu na chulihanstva ŭ składzie hrupy asob.
