Z 30 maja 2023 hoda pracoŭnyja, turystyčnyja, haściavyja i niekatoryja inšyja vizy ŭ ZŠA padaražejuć na 8-50%.
Vizy katehoryj B1/B2 (biznes i turyzm), F1/F2 (studenckaja), J (haściavaja viza pa abmienie) padaražejuć da 185 dalaraŭ zamiest raniejšych 160. A mienš za ŭsio cana źmienicca na siezonnyja pracoŭnyja vizy H, L, O, P, Q i R — 205 dalaraŭ zamiest 190.
Najbolš istotna padaražeje viza typu E dla trejdaraŭ i inviestaraŭ — 315 dalaraŭ zamiest 205.
«Pracoŭnyja i turystyčnyja vizy majuć važnaje značeńnie dla źniešniaj palityki prezidenta Bajdena, i my pryznajem vyrašalnuju rolu, jakuju mižnarodnyja pajezdki adyhryvajuć u ekanomicy ZŠA», — havorycca ŭ paviedamleńni Dziarždepa.
Biełarusam atrymać vizu ciapier uvohule składana. Konsulstva ZŠA ŭ Minsku prypyniła pryjom dakumientaŭ na ŭsie typy viz z 22 lutaha 2022 hoda. Najbližejšaje dastupnaje dla biełarusaŭ konsulstva ZŠA znachodzicca ŭ Varšavie. Adnak hety varyjant padychodzić tolki dla tych, u kaho jość šenhienskaja viza.
Alternatyvami dla achvotnych pajechać u ZŠA mohuć stać Ambasada ZŠA ŭ Astanie i Hienieralnaje konsulstva ZŠA ŭ Ałmaty. Tam dla nierezidentaŭ Kazachstana vydzielenaja abmiežavanaja kolkaść miescaŭ.
U 2022 hodzie biełarusam, jakija padavalisia na amierykanskija vizy typu B, admaŭlali ŭ 26,5% vypadkaŭ.
Čytajcie taksama:
Čas, hrošy, niervy: što zaraz z aŭtobusnymi turami ŭ Jeŭropu
Pasolstva Hiermanii prymaje dakumienty na vizy pa-novamu
Urad Čechii jašče na hod praciahnuŭ vizavuju zabaronu dla biełarusaŭ
Atrymać polskuju vizu stała adnačasova składaniej i praściej. Što źmianiłasia?
