ZRK S-400

Zienitna-rakietny kompleks «Tyumf». Fota: Wikimedia Commons

Vajskovy ekśpiert Aleh Ždanaŭ u svaim videastrymie vykazaŭ mierkavańnie, što samalotami AN-24 na terytoryju Biełarusi zavoziacca zienitna-rakietnyja ŭstanoŭki S-400. 

Viadoma, što ŭ mai 2022 hoda Biełaruś vykazała namier nabyć takija kompleksy. U kancy studzienia hetaha hoda Ministerstva abarony Biełarusi zajaviła, što kraina pastaviła na bajavoje dziažurstva pieradadzienyja Rasijaj zienitnyja rakietnyja kompleksy S-400 i «Iskander». 

Z druhoha boku, adznačaje ekśpiert, hetyja pastaŭki mohuć być źviazanyja z uzmacnieńniem Rasijaj sistemy supraćpavietranaj abarony (SPA) pierad raźmiaščeńniem na terytoryi Biełarusi jadziernaj zbroi.

Takim čynam pašyrajecca supolnaja sistema SPA Sajuznaj dziaržavy.

Ždanaŭ zaŭvažaje, što mohuć pierakidvacca jak puskavyja ŭstanoŭki, tak i rakiety da ich.

Aleh Ždanaŭ zaŭvažyŭ, što rakiety, vypuščanyja z terytoryi Kurskaj vobłaści, dalacieli da Kijeva. Pra heta śviedčyć adzin z abstrełaŭ horada. Ź Biełarusi adlehłaść jašče mienšaja.

Patencyjna rasijskija ŭstanoŭki S-300 i S-400 u Biełarusi mohuć vykarystoŭvacca dla abstrełu ŭkrainskaj terytoryi.

Pry hetym jon akcentuje ŭvahu na tym, što «takich rakiet u Rasii šmat. Jany składajuć pahrozu dla ŭkrainskaha boku, bo adsutničajuć srodki dla likvidacyi» rakiet takoha rodu.

Čytajcie jašče:

Homielskija milicyjanty zrabili spravazdaču pra represii, a vypadkova pakazali rasijskija rakietnyja kompleksy

Ekśpiert vykazaŭ mierkavańnie, dla čaho Rasija raskansiervuje tanki T-55

«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi

Клас
1
Панылы сорам
1
Ха-ха
2
Ого
3
Сумна
6
Абуральна
49