Tartaletki z roznaj načynkaj — na vypadak niečakanych haściej 3

Fota: elmundoeats.com

Adzin sa šmatlikich varyjantaŭ ciesta dla piasočnych tartaletak (tut z raźlikam na vialikuju kolkaść, tamu kali vam nie treba šmat, možna pamienšyć składniki ŭ dva razy):

• 2 jajki,
• 2 st. ł. małaka,
• 200 h masła,
• 400 h muki,
• 1 č. ł. soli.

Jak hatavać

U hłybokaj miscy źmiašajcie 2 jajki i małako.

Dadajcie raźmiakčanaje masła.

Źmiašajcie ŭsio kałatoŭkaj, a jašče lepš miksieram. Mocna ŭźbivać nie treba, dastatkova prosta davieści da bolš-mienš adnarodnaha stanu.

Pastupova dadavajcie muku i raźmiešvajcie miksieram ci kałatoŭkaj.

Dadajcie sol.

Kali ciesta stanie tuhim, pačynajcie zamiešvać jaho rukami.

Raskatajcie ciesta na pavierchni stała, vaźmicie formu dla tartaletak i vyrazajcie jaje vostraj častkaj u cieście adpaviednyja formy (padobnyja da chvalistych akružnaściaŭ). Kožnaje takoje kołca kładzicie ŭ formu i pryciskajcie pa dnie i bakach formy, prydajučy formu tartaletki.

Vypiakajcie ŭ duchoŭcy pry 200°S 25 chvilin.

Tartaletki z kurycaj i sparžaj. Fota: louisesmadblog.dk

A voś niekalki idej, čym napoŭnić tartaletki:

• čyrvonaja ikra + tvarožny syr + krop,
• kuryca + hryby + jajki + cybula,
• jajki + syr + zialonaja cybula + časnok,
• tvarožny syr + avakada + čyrvonaja ryba,
• piečań traski + jajki + ahurok + płaŭleny syr + zielanina,
• tuniec + jajki + kukuruza + zielanina,
• tvaroh + kinza + zialonaja cybula + časnok + krop,
• kuryca + ananas + syr,
• krabavyja pałački + jajki + syr + časnok + majanez,
• pamidory + syr + kukuruza + časnok + zielanina + majanez abo johurt,
• syr fieta + pamidory čery + ahurok + zielanina + časnok,
• morkva pa-karejsku + jajki + syr + majanez + zielanina.

Smačna jeści!

Čytajcie jašče:

Recepty vielikodnaha stała: krašanki, paska, zapiečanaje miasa

Recept na vychadnyja. Tart fłambe — smak Elzasa

Recept na vychadnyja. Kiš z syru i cybuli — prostaja francuzskaja strava

6

1

0

0

1

1

Nashaniva.com