Baradzin zajaviŭ, što Achiedžakava krytykuje «pryniatyja dziaržaŭnymi orhanami i prezidentam RF pastanovy i palityku ŭ dačynieńni da śpiecyjalnaj vajskovaj apieracyi, jakaja pravodzicca RF va Ukrainie» i nibyta finansuje USU (sama Achiedžakava heta admaŭlała).

Aŭtar danosu paprasiŭ raspačać u dačynieńni da Lii Achiedžakavaj kryminalnuju spravu pavodle artykułaŭ ab dziaržaŭnaj zdradzie, «dyskredytacyi» armii RF i raspalvańni nianaviści albo varožaści. Taksama jon zaklikaŭ abviaścić artystku «zamiežnym ahientam» i pazbavić jaje dziaržaŭnych uznaharod i zvańniaŭ.

Paśla poŭnamaštabnaha rasijskaha ŭvarvańnia va Ukrainu Lija Achiedžakava nieadnarazova vystupała za spynieńnie vajny i zaklikała ludziej nie maŭčać pra svaju antyvajennuju pazicyju.

Na pačatku lutaha teatr «Sučaśnik» u Maskvie pazbaviŭ Liju Achiedžakavu apošniaj roli z-za «hnieŭnych listoŭ» u jaje adras, paśla čaho artystka zvolniłasia adtul.

Režysior Kirył Siarebranikaŭ pravioŭ akcyju padtrymki «Listy dla Lii». Prychilniki napisali Achiedžakavaj 15 tysiač listoŭ.

Čytajcie taksama:

Lija Achiedžakava ŭ raźvitańni sa scenaj uzhadała list padtrymki čałavieka, jaki prajšoŭ Akreścina

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?