Fota: pixabay

Fota: pixabay

Choć hutarkovaja terapija, fizičnyja praktykavańni i leki adnaznačna dapamahajuć umacavać psichičnaje zdaroŭje, ale ž niekatoryja ludzi nie adčuvajuć siabie lepš navat paśla hetych mietadaŭ. Tamu šmatlikija navukoŭcy miarkujuć, što palapšeńnie zdaroŭja kišečnika moža prapanavać novyja sposaby palapšeńnia i psichičnaha zdaroŭja.

Kali vy chočacie palepšyć zdaroŭje kišečnika, jość niekalki pierakanaŭčych varyjantaŭ. Niekatoryja ź ich tolki pačynajuć daśledavacca navukoŭcami, u toj čas jak inšyja nastolki pravieranyja, što vy možacie ździvicca, nakolki jany vidavočnyja i prostyja.

Inverse prapanuje try sposaby dapamahčy kišečniku i, jak vynik, mozhu:

  • prabijotyki,
  • dyjeta,
  • fizičnyja praktykavańni.

Prabijotyki

Fota: pixabay

Fota: pixabay

Novyja daśledavańni na myšach i ludziach, apublikavanyja ŭ Nature Immunology, padkreślivajuć suviaź pamiž bolšaj kolkaściu Lactobacillus johnsonii ŭ kišečniku i mienšaj vierahodnaściu raźvićcia depresii i tryvohi. Lactobacillus — heta typ bakteryj ź viadomym supraćzapalenčym dziejańniem.

U daśledavańni myšam u stresavym stanie davali dabaŭku Lactobacillus. U vyniku myšy stali mienš sacyjalna zamknutymi ŭ paraŭnańni z tymi, jakija dabaŭku nie atrymlivali. Pry hetym imunnyja kletki kišečnika taksama viarnulisia da zdarovaha ŭzroŭniu.

Daśledavańnie, adnak, usio jašče znachodzicca na rańniaj stadyi, pakul zanadta rana kazać, što dabaŭki Lactobacillus dakładna dapamohuć ludziam z depresijaj i tryvohaj. Adnak inšyja daśledavańni pakazvajuć, što ludzi, jakija spałučajuć antydepresanty z prabijotykami, adčuvajuć palapšeńnie ŭ bolšaj stupieni, čym tyja, chto hetaha nie robić. 

I vierahodna, inšyja štamy kišačnych bakteryj, akramia Lactobacillus, taksama mohuć być karysnymi. Padčas dakliničnych vyprabavańniaŭ u Centry mikrabijomu (u UC San Diego School of Medicine) bakteryi z rodu Bacteroides asabliva ŭražvali navukoŭcaŭ. Daśledavańni pakazvali, što jany mohuć «pamienšyć fienatypy depresii abo tryvohi hetak ža dobra, jak kietamin».

Prabijotyki mohuć być mahutnaj stratehijaj lačeńnia, adnak hetyja mietady pavinny być naležnym čynam pratestavanyja na ludziach praź ślapyja kliničnyja vyprabavańni (heta značyć, paddoślednym nie paviedamlajucca važnyja detali daśledavańnia dla vyklučeńnia subjektyŭnych faktaraŭ, jakija mohuć paŭpłyvać na vynik).

Dyjeta

Fota: pixabay

Fota: pixabay

Dakładna viadoma, što fiermientavanyja pradukty (da jakich adnosiacca kiefir, johurt, ajran, syr, kisłaja kapusta, salonyja ahurki, kvas, čajny hryb i h. d.) prynosiać karyść zdaroŭju kišečnika. Toje ž tyčycca i praduktaŭ z vysokim utrymańniem klatčatki (druhaja nazva jaje pa-biełarusku — «abałonina»). 

Abałonina — heta taja častka raślinnaj ježy, jakuju arhanizm nie moža pieratravić ci zasvoić. Hrubyja raślinnyja vałokny prachodziać adnosna niepaškodžanymi praz uvieś straŭnikava-kišačny trakt, čyściačy jaho ad usiaho niepatrebnaha.

Klatčatka zvyčajna padzialajecca na rastvaralnuju (dapamahaje rehulavać uzrovień chalesterynu i hlukozy ŭ kryvi) i nierastvaralnuju (spryjaje prachodžańniu ježy praz stravavalnuju sistemu, pavialičvaje abjom stułu i dapamahaje pazbavicca ad zaporaŭ). Rastvaralnaja klatčatka ŭtrymlivajecca ŭ aŭsie, harochu, fasoli, jabłykach, cytrusavych, morkvie, jačmieni i tryputniku. Krynicami nierastvaralnaj abałoniny źjaŭlajucca celnaziernievaja muka, pšaničnaje votrubje, žyta, arechi, baby, kviacistaja kapusta, zialonaja fasola i bulba. Kab atrymać maksimalnuju karyść dla zdaroŭja, lepš dadavać u racyjon klatčatku abodvuch typaŭ.

Polifienoły — złučeńni, jakija źmiaščajucca ŭ sadavinie i harodninie — taksama karysnyja dla kišečnika. I, kaniešnie, nie zabyvajciesia pić šmat vady. Tak, vy, napeŭna, šmat čuli pra karyść raślinnaj dyjety i pra važnaść užyvańnia vady, ale my nie stomimsia paŭtarać, što biez hetaha niemahčyma vieści paŭnavartasnaje žyćcio. Jak i bieź fizičnych praktykavańniaŭ.

Fizičnyja praktykavańni

Fota: pixabay

Fota: pixabay

Lohkija fizičnyja praktykavańni mohuć dapamahčy pamienšyć zapaleńnie kišečnika i palepšyć mietabaličny stan. Lohkija praktykavańni ŭ hetym vypadku mohuć ujaŭlać saboj navat prostyja prahułki na vulicy, raściažku i vykanańnie chatnich spraŭ (jak heta ni dziŭna).

Tak, niekatoryja daśledavańni pakazvajuć, što fizičnyja praktykavańni mohuć pavialičyć kolkaść «karysnych bakteryj» u kišečniku i ŭzbahacić raznastajnaść mikrabijomu. Častkova heta moža być źviazana z tym, što praktykavańni pavialičvajuć častatu vašych pachodaŭ pa «vialikaj spravie». Fizičnyja praktykavańni taksama pavialičvajuć kolkaść małočnakisłych bakteryj, jakija dapamahajuć straŭnikava-kišačnamu traktu vyhaniać chvarobatvornyja mikraarhanizmy.

A čarhovyja daśledavańni na myšach pakazvajuć, što niekatoryja kišečnyja mikroby mohuć navat pavysić matyvacyju da fizičnych praktykavańniaŭ. Jany vyjavili, što vidy bakteryj Eubacterium rectale i Coprococus eutactus adkazvajuć za lepšuju atletyčnaść bolš, čym hienietyka. Vierahodnaja pryčyna tut — vytvorčaść hetymi vidami bakteryj mietabalitaŭ (praduktaŭ mietabalizmu), jakija zapuskajuć praces, što pryvodzić da pavyšeńnia ŭzroŭniu dapaminu ŭ mozhu (niejramiedyjatara, jaki adkazvaje za pačućcio zadavalnieńnia, upłyvaje na pracesy matyvacyi i navučańnia, a taksama hraje niemałavažnuju rolu ŭ zabieśpiačeńni kahnityŭnaj dziejnaści). Takim čynam hety praces zabiaśpiečvaje złučeńnie našaj «vosi kišečnik — mozh».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?