Z 1 červienia nie ŭsie apteki zmohuć pradavać leki pa receptach daktaroŭ. Pra heta raspaviali ŭ pres-słužbie Ministerstva achovy zdaroŭja.

Adpaviednaja infarmacyja źjaviłasia i na sajcie «Biełfarmacyi», tam užo atrymany adrasy tych punktaŭ realizacyi lekaŭ, dzie kupić recepturnyja preparaty budzie možna.

Dakumientam, jaki Ministerstva achovy zdaroŭja pryniało jašče ŭ kancy studzienia, uvodziacca źmieny, što tyčacca aptek piataj katehoryi (nievialikich aptek). U asnoŭnym heta pryvatnyja apteki.

«Z 1 červienia 2023 hoda źmienieny praviły prodažu ŭ aptekach lekavych preparataŭ pa receptach daktaroŭ», — havorycca ŭ paviedamleńni viedamstva.

Tochka.by patelefanavała ŭ słužbu daviedak aptek Minska i ŭdakładniła, dzie potym kuplać leki pa recepcie.

«Heta budzie z 1 červienia, zaraz vy možacie ŭ luboj aptecy kupić. Zakranie apteki piataj katehoryi, jakija nie adpuskajuć [leki] pa lhotnych i biaspłatnych receptach. Dziaržaŭnyja apteki buduć pradavać pa receptach. A pryvatnyja [apteki] piataj katehoryi nie buduć», — udakładnili ŭ słužbie daviedak aptečnaj sietki.

Tam dadali, što nie ŭsie pryvatnyja apteki adnosiacca da piataj katehoryi — u niekatorych nabyć recepturnyja preparaty možna budzie i potym.

U novym dakumiencie jość maleńkaje vyklučeńnie: apteki piataj katehoryi zmohuć, jak i raniej, pradavać leki pa receptach, kali jany ažyćciaŭlajuć biaspłatnaje i lhotnaje zabieśpiačeńnie asobnych katehoryj hramadzian lekami i pieraviazačnymi materyjałami.

Aptek stanie mienš?

Jašče adno źmianieńnie, jakoje adabjecca na pracy aptečnych sietak, tyčycca ich raźmiaščeńnia. Ciapier apteki pieršaj-piataj katehoryj mohuć raźmiaščacca ŭ niežyłych pamiaškańniach tolki ŭ tym vypadku, kali ŭ radyusie 500 mietraŭ niama inšych aptek. U adnym budynku — nie bolš za adnu apteku.

Jość navina i dla tych, chto choča adkryć apteku piataj katehoryi (heta adnosna nievialikija pamiaškańni, płoščaj nie mienšaj za 15 «kvadrataŭ», asablivych patrabavańniaŭ da ich raniej nie było). Ciapier ža, pry adkryćci takoj maleńkaj apteki, u horadzie treba adkryć apteki «ŭzroŭniem vyšej».

«Dla adkryćcia apteki piataj katehoryi nieabchodna adkryć apteku pieršaj abo druhoj katehoryi ŭ administracyjnym centry administracyjna-terytaryjalnaj adzinki, na terytoryi jakoj stvarajecca apteka piataj katehoryi, z ulikam patrabavańniaŭ pa adlehłaści pamiž aptekami i raźmiaščeńni ŭ niežyłych pamiaškańniach», — rastłumačyli ŭ ministerstvie.

Inšymi słovami, adkryć maleńkuju apteku zaraz budzie składaniej, kali ŭ horadzie ŭ sietki niama apteki bolšaj. Praŭda, u nievialikich rajcentrach nie zaŭsiody jość nieabchodnaść u takich vialikich punktach.

Pa zakonie, apteki pieršaj katehoryi mohuć vyrablać i fasavać niekatoryja lekavyja srodki pa indyvidualnych receptach, a taksama majuć prava realizoŭvać leki optam balnicam i paliklinikam, płoščaj jany nie mienšyja za 100 kvadratnych mietraŭ (jość vytvorčyja pamiaškańni, miescy dla zachoŭvańnia preparataŭ i inšyja surjoznyja patrabavańni).

Apteki druhoj katehoryi — taksama dosyć vialikija, płoščaj nie mienšaj za 60 «kvadrataŭ», u jakich jość handlovaja zała, pamiaškańni dla zachoŭvańnia.

Apteki piataj katehoryi — bolš drobnyja. Jany pradajuć leki ŭ «miescach ź vialikaj kolkaściu nasielnictva» (kramy, rynki, vakzały, haścinicy). Dla adkryćcia takoha punkta prodažu lekaŭ u jurydyčnaj asoby pavinny być u sietcy taksama apteki i pieršaj-druhoj katehoryi.

Minzdaroŭja ŭviało novyja praviły dla aptek. Ich stanie mienš: chočuć prydušyć kankurentaŭ «BiełFarmacyi»

Likvidujecca kampanija — uładalnik «Lubimych aptek»

Minzdaroŭja zabaraniła raźmiaščać apteki bližej, čym 500 mietraŭ adna ad druhoj

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?