palicejski trusik

Trusik Piersi i aficer palicyi Karsan. Fota: fejsbuk-staronka palicejskaha departamienta Juba-sici, štat Kalifornija, ZŠA

Palicejski departamient Juba-sici, štat Kalifornija, pryniaŭ da siabie na słužbu sapraŭdnaha trusika. Pra heta 7 krasavika napisała ahienctva Associated Press sa spasyłkaj na aficyjnuju fejsbuk-staronku departamienta.

Trusika zvać Piersi, svajo imia i miesca pracy jon atrymaŭ dziakujučy aficeru miascovaj palicyi, jakaja adnojčy znajšła i padabrała jaho na Piersi-avieniu ŭ Juba-sici. 

Paśla hetaha aficer Karsan addała znojdzienaha trusika ŭ słužbu kantrolu za žyviołami, ale jaho haspadary tak i nie abjavilisia. Tamu Karsan potym zabrała jaho da siabie ŭ palicyju.

«Ciapier Piersi zajmaje pasadu «aficera pa dobrym samaadčuvańni»: jon złačyncaŭ nie łović, adnak pry hetym vykonvaje vielmi važnuju spravu — dapamahaje kaleham i kalažankam zdymać stres», — pišuć palicyjanty ŭ fejsbuku.

Trusik, jak paviedamlaje AP, nie adkazaŭ na prośbu ahienctva prakamientavać svaju novuju pasadu. 

Darečy, hetaja navina vielmi mocna nahadvaje siužet askaranosnaha multfilma «Źvierapolis», u jakim taksama aficeram palicyi ŭpieršyniu stanovicca trusicha.

Čytajcie taksama:

U Homieli ratavalniki ŭratavali ad vialikaj vady kocika VIDEA

U Ałžyry kot skočyŭ na imama prosta padčas malitvy, taho heta nie źbiantežyła VIDEA

Słanicha ź Bierlinskaha zaaparka navučyłasia łupić banany, chacia nichto jaje hetamu nie vučyŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?