«Roŭna hod tamu Vajskova-marskija siły Uzbrojenych sił Ukrainy pierapisali viekavuju historyju. Dakładnym udaram ukrainskich rakiet «Niaptun» byŭ źniščany toj samy «ruski vajenny karabiel» — fłahman Čarnamorskaha fłotu RF, rakietny krejsier «Maskva», jaki na nastupnyja sutki zatanuŭ.

Uspomnicie nastroj hadavoj daŭnaści. Padzieja była nastolki natchnialnaj i adnačasova nievierahodnaj, što mnohim zdavałasia — heta nie moža być praŭdaj, bo apošni raz Rasija hublała svoj fłahman bolš za stahodździe tamu».

Reźnikaŭ padkreśliŭ, što ŭkraincy ŭ bajavych umovach dakazali, što zbroja made in Ukraine zdolnaja spravicca z samymi składanymi zadačami i moža abaraniać na ŭzroŭni z najlepšymi raspracoŭkami partnioraŭ. Tamu, pa słovach ministra, raźvićcio ŭkrainskaha VPK źjaŭlajecca pryjarytetam, tamu što heta «elemient niezaležnaści».

Jon taksama adznačyŭ, što pośpiech USU na poli boju źjaŭlajecca załoham taho, što Ukrainu padtrymajuć, tamu zaraz samaje važnaje — padtrymlivać abaroncaŭ, zachoŭvać adzinstva i krok za krokam iści da mety.

«Pieramoha niepaźbiežnaja. Upeŭnieny, što paśla našaj pieramohi «Maskva» stanie adnoj z samych papularnych łakacyj dla dajvieraŭ. A turysty z usiaho śvietu buduć va ŭkrainskim Krymie padymać kielichi fantastyčnaha krymskaha vina pad dobry tost «Za rasijski vajskovy fłot — da dna!», — padsumavaŭ Reźnikaŭ.

Čytajcie taksama:

Patapić «Maskvu»: nieviadomyja detali. Jak ukrainski «Niaptun» źniščyŭ fłahman rasijskaha fłotu

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?