Fota: @Potus

Fota: @Potus

Prezident vystupiŭ z pramovaj u pabie ŭ hrafstvie Łaŭt, u jakim skazaŭ, što pajezdka ŭ miescy, adkul jaho prapradzied źjechaŭ u Amieryku, «padobnaja da viartańnia dadomu».

Bajden znachodzicca z trochdzionnym vizitam u Irłandskaj Respublicy. Napiaredadni jon naviedaŭ i Paŭnočnuju Irłandyju, kab adznačyć 25 hadoŭ z dnia zaklučeńnia Pahadnieńnia Vialikaj piatnicy, jakoje ŭ značnaj stupieni pakłała kaniec šmathadovamu mižabščynnamu hvałtu.

U aeraporcie Dublina prezidenta sustreŭ premjer-ministr Irłandyi Lea Varadkar.

Zatym Bajden adpraviŭsia na sustreču z dalokimi svajakami na paŭvostravie Kuli i ŭ vioscy Karlinhfard u hrafstvie Łaŭt na ŭschodnim uźbiarežžy Irłandyi.

Da prybyćcia prezidenckaha kartežu na nabiarežnaj u Karlinhfardzie vystraiŭsia natoŭp ludziej.

U horadzie Dandałk sustrakać prezidenta sabrałasia bolš za 5 tysiač čałaviek, jany vitali Bajdena krykami «Sardečna zaprašajem dadomu, Džo».

Bajden skazaŭ, što irłandcy — «adzinyja, na moj pohlad, ludzi ŭ śviecie, jakija z nastalhijaj hladziać u budučyniu».

«Heta tamu, što, na moj vopyt, nadzieja — heta toje, što bjecca ŭ sercy ŭsich ludziej i asabliva ŭ sercach irłandcaŭ», — dadaŭ jon.

Prezident naviedaŭ mahazinčyk u Dandałku, jaki naležyć Džeramu Makaciru, dzie nabyŭ krychu prysmakaŭ — limonnyja bieze i šakaładnyja eklery.

Bajden taksama naviedaŭ kaviarniu, dzie sustreŭsia ź piersanałam, a zatym vystupiŭ u miascovym pabie «Vindzar».

«Kali vy ŭ Irłandyi, to dziviciesia, čamu chtości choča źjechać», — skazaŭ jon im.

Raniej Bajden naviedaŭ Biełfast, dzie zaklikaŭ palitykaŭ adnavić pracu miascovaha ŭrada ŭ Stormancie, jaki pierastaŭ funkcyjanavać bolš za hod tamu.

Vystupajučy ŭ Olsterskim univiersitecie, jon vysoka acaniŭ «vielizarny prahres», dasiahnuty z momantu padpisańnia Pahadnieńnia Vialikaj piatnicy ŭ 1998 hodzie.

Prezident Bajden časta ŭspaminaje pra svaje irłandskija karani. Jon abiacaŭ naviedać krainu padčas svajho prezidenckaha terminu.

Amierykanski hienieołah, jaki daśledavaŭ radavod prezidenta, padličyŭ, što jon «prykładna na piać vośmych» irłandziec.

Jaho prapradzied pa matčynaj linii Oŭen Finiehan pakinuŭ Karlinhfard u hrafstvie Łaŭt u kancy 1840-ch hadoŭ i adpraviŭsia ŭ Amieryku.

Siarod jaho pradziedaŭ byŭ i Edvard Bljuit, jaki, ratujučysia ad lutaha ŭ Irłandyi hoładu, vyklikanaha nieŭradžajem bulby, u 1850 hodzie emihravaŭ u ZŠA z horada Balina na zachodnim uźbiarežžy hrafstva Mejio. Jon pasialiŭsia ŭ Skrentanie ŭ štacie Piensilvanija. Tam paśla naradziŭsia sam Džo Bajden.

U svajoj pramovie ŭ Dandałku Bajden skazaŭ, što jaho prodki pakinuli Irłandyju prykładna ŭ toj ža čas, što i praprapradzied byłoha prezidenta ZŠA Baraka Abamy Fałmut Kirni, jaki byŭ rodam z Manihała ŭ hrafstvie Ofali.

«Jany i maryć nie mahli, što ich praŭnuki stanuć prezidentami Złučanych Štataŭ», — skazaŭ jon.

Bajdenu arhanizavali ekskursiju pa zamku Karlinhfard, jaho supravadžaŭ vice-premjer Irłandyi Majkł Marcin.

Bajden praciahnuŭ jašče na hod samyja pieršyja sankcyi suprać Rasii

Plamieńnik Džona Kienedzi sabraŭsia ŭ prezidenty ZŠA

«My tolki što pačuli dźviuch niejmaviernych žančyn». Džo Bajden adhuknuŭsia na vystupy Śviatłany Cichanoŭskaj i Natalli Pinčuk

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?