Fota ilustracyjnaje

Fota ilustracyjnaje

Paśla rezanansnaha DTZ u Smalavičach rabotniki Transpartnaj inśpiekcyi vyznačyli maršruty ruchaŭ z vysokaj stupieńniu hramadskaj niebiaśpieki. U pole zroku inśpiektaraŭ trapili takija napramki jak Brest — Baranavičy, Minsk — Mahiloŭ, Mazyr — Minsk, Połack — Minsk, Hrodna — Minsk i Minsk — Słuck, piša «Sputnik».

13 krasavika, u stalicy za ažyćciaŭleńniem kiroŭcam niezakonnaj dziejnaści pa pieravozcy pasažyraŭ byŭ kanfiskavany pieršy transpartny srodak. 

Mikraaŭtobus, jaki kanfiskavali pradstaŭniki Transpartnaj inśpiekcyi, vykonvaŭ rejs pa maršrucie Bychaŭ — Mahiloŭ — Minsk.

Uładalnik transpartnaha srodku zajmaŭsia niezakonnaj pradprymalnickaj dziejnaściu, ažyćciaŭlajučy rehularnyja pieravozki pad vyhladam nierehularnych — biez naležnych dakumientaŭ na maršrut.

«Ustanoŭlena, što aŭtamabil 2020 hoda vypusku i nabyty ŭ lizinh. Na subjekt haspadarańnia, jaki vykarystaŭ hetuju mašynu, užo nakładziena štrafnych sankcyj na značnuju sumu. Było vypisana try štrafy, ahułam heta 230 bazavych vieličyń. Štrafy dahetul nie apłačanyja», — raspavioŭ pieršy namieśnik načalnika Transpartnaj inśpiekcyi Ministerstva transpartu i kamunikacyj Juryj Kaściuk.

Jon taksama raspavioŭ, što maršrutku spynili ŭ Minsku, kali jana jechała z Mahilova. Inśpiektary apytali niekalkich vidavočcaŭ, taksama ŭ mašynie dla ažyćciaŭleńnia pravierki jechali rabotniki Transpartnaj inśpiekcyi. Paśla hetaha ŭsich pasažyraŭ pierasadzili ŭ inšy aŭtobus, pradstaŭleny Minharvykankamam, kab tyja mahli praciahnuć ruch.

Mikraaŭtobus budzie znachodzicca na štrafstajancy da rašeńnia suda. Heta pieršy vypadak, kali ŭ krainie pravodziać kanfiskacyju transpartnaha srodku za ažyćciaŭleńnie kiroŭcam niezakonnaj dziejnaści pa pieravozcy pasažyraŭ.

Akramia hetaha, inśpiektary pravieryli i inšyja prablemnyja maršruty.

«Pa tych kampanijach, chto zajmaŭsia niezakonnaj pradprymalnickaj dziejnaściu, składzienyja materyjały i adpraŭlenyja ŭ sud. Pa ich užo jość kankretnyja rašeńni. My hatovyja raspačać takija ž miery ŭ dačynieńni da tych, chto nie adreahuje na sudovyja rašeńni», — skazaŭ na zakančeńnie Juryj Kaściuk.

11 čałaviek zahinuli ŭ DTZ z maršrutkaj u Smalavickim rajonie

MAZ byŭ biez techahladu, maršrutka pierapoŭnienaja, školny aŭtobus złamaŭsia. Novyja akaličnaści strašnaj avaryi pad Smalavičami

Na MKAD u kiuviecie apynułasia maršrutka

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?