Pa infarmacyi vydańnia, bolš za ŭsio kolkaść rasijskich źniavolenych źniziłasia ŭ Samarskaj vobłaści: na pačatku 2022 hoda ŭ kałonijach u hetym rehijonie ŭtrymlivałasia 10,2 tysiačy čałaviek, a na pačatku 2023-ha — 7,5 tysiačy. Taksama lidarami pa kolkaści «źnikłych» źniavolenych stali Čalabinskaja i Kiraŭskaja vobłaści (1574 čałaviek i 1153 čałaviek adpaviedna) i Tatarstan (1040 čałaviek).
«Miedyjazona» miarkuje, što takaja dynamika źviazanaja z aktyŭnaj viarboŭkaj źniavolenych dla ŭdziełu ŭ vajnie z Ukrainaj.
Histaryčnym trendam heta rastłumačyć składana, pakolki, da prykładu, za 2021 hod kolkaść źniavolenych u rekordnaj Samarskaj vobłaści, naadvarot, pavialičyłasia bolš čym na 300 čałaviek.
Adnak hetaja viersija nie zaŭsiody paćviardžajecca statystyčnymi danymi. Da prykładu, u Krasnadarskim krai i Jarasłaŭskaj vobłaści, dzie viałasia aktyŭnaja viarboŭka, kolkaść źniavolenych, pavodle aficyjnych źviestak, za hod amal nie źmianiłasia.
U toj ža čas surazmoŭca «Miedyjazony» ŭ Tulskaj vobłaści paviedamiŭ, što na vajnu zavierbavałasia kala tysiačy čałaviek — i hetyja danyja byli paćvierdžanyja statystykaj: da pačatku 2022 hoda ŭ kałonijach Tulskaj vobłaści źmiaščałasia 6,4 tysiačy čałaviek, a da pačatku 2023-ha — 5,5 tysiačy (na 875 mienš).
Čytajcie taksama:
Pryhožyn zaklikaŭ abo abviaścić pra zakančeńnie «SVA», abo raspačać baraćbu z unutranymi vorahami
U Rasii znajšli ŭžo siem mohiłak, na jakich masava chavajuć zahinułych vahnieraŭcaŭ
Žurnalisty paćvierdzili asoby 18 tysiač zahinułych va Ukrainie rasijskich vajskoŭcaŭ
