Nacbank

Budynak Nacbanka

Staršynia praŭleńnia Nacbanka Pavieł Kałaŭr pieraličyŭ miery, jakija dapamahli padtrymać biełaruskuju ekanomiku va ŭmovach sankcyj, piša BiełTA.

Kałaŭr adznačyŭ, što adrazu paśla «ŭviadzieńnia maštabnych sankcyj» rehulatar pavysiŭ staŭku refinansavańnia: z 1 sakavika 2022 hoda jana vyrasła z 9,25 da 12% hadavych. Na takim uzroŭni staŭka pratrymałasia da kanca hoda. Banki ŭ sakaviku-krasaviku 2022 hoda pavialičyli dachodnaść pa źbieražeńniach u nacyjanalnaj valucie.

Z maja minułaha hoda pracentnyja staŭki pačali źnižacca, a da kanca hoda siaredni košt novych rublovych kredytaŭ, prapanavanych bankami i Bankam raźvićcia jurydyčnym asobam, skłaŭsia na ŭzroŭni 9,7% hadavych. 

Taksama padtrymaŭ ekanomiku i kursavy faktar. Za minuły hod realny efiektyŭny kurs biełaruskaha rubla źniziŭsia na 2,2%. Takaja situacyja, pa słovach kiraŭnika hałoŭnaj finansavaj ustanovy krainy, pavysiła cenavuju kankurentazdolnaść biełaruskich eksparcioraŭ na źniešnich rynkach.

«Akramia taho, u metach pašyreńnia mahčymaściaŭ bankaŭ pa finansavańni pradpryjemstvaŭ pryniaty šerah novych kontrcykličnych mier, što dazvoliła bankam ŭziać na siabie dadatkovyja ryzyki. Biez nazvanych mier banki nie zmahli b dać ekanomicy resursnuju padtrymku ŭ tym abjomie, jaki byŭ faktyčna akazany. Finansavańnie realnaha siektara ekanomiki ažyćciaŭlałasia pieravažna ŭ nacyjanalnaj valucie, što było abumoŭlena źmianieńniem źniešniehandlovych patokaŭ i valut raźlikaŭ», — prainfarmavaŭ Pavieł Kałaŭr.

Adnačasova była zachavana kredytnaja padtrymka nasielnictva. Abjom kredytaŭ, vydadzienych bankaŭskaj sistemaj, skłaŭ amal Br120 młrd, što na 13,3% bolš, čym u 2021 hodzie. Pry hetym subjektam haspadarańnia było vydadziena amal Br111 młrd.

Čytajcie taksama:

Minskim arandataram i nie śniłasia. Kolki biełarusy płaciać za zdymnyja kvatery ŭ Polščy i Litvie

Mabilnym apierataram daduć prava vydavać pazyki

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?