Rasijski hazapravod

Zdymak ilustracyjny. Fota: amurmedia.ru

«Jany nam dajuć haz pa canie značna nižejšaj, čym, dapuścim, Biełarusi», — skazaŭ Satkalijeŭ žurnalistam u sieradu, havoračy pra pieramovy z «Hazpramam» ab zabieśpiačeńni hazam poŭnačy i ŭschodu Kazachstana, paviedamlaje AFN.

«Rasija, razumiejučy, što efiektyŭnaja praca mahčymaja tolki ŭ dvuchbakovym režymie, idzie nasustrač u častcy vyznačeńnia cany, jakaja ŭ razy nižejšaja za jeŭrapiejskija ceny i značna nižejšaja, čym na miažy Rasii i Biełarusi», — dadaŭ jon.

Biełaruś atrymlivaje rasijski haz pa 128,5 dalara za tysiaču kubamietraŭ — i heta samaja nizkaja ekspartnaja cana ŭ śviecie. Cana pastavak u Kitaj pa trubapravodzie «Siła Sibiry», jakaja aficyjna nie raskryvajecca, składaje 290 dalaraŭ za tysiaču kuboŭ. Na spotavym jeŭrapiejskim rynku ŭ sieradu, 19 krasavika, haz kaštuje 479 dalaraŭ za tysiaču kubamietraŭ.

Pa słovach kazachstanskaha ministra, adbyŭsia šerah sustreč kiraŭnictva «Hazprama» i kazachstanskaha QazaqGaz.

«U nas jość płan, jość papiarednie ŭzhodnieny maršrut novych hazapravodaŭ, jakija pryjduć z Rasii», — dadaŭ ministr.

Čytajcie taksama:

Krainy Uschodniaj Jeŭropy šukajuć u Kazachstanie zamienu rasijskamu ŭranu

Litva śćviardžaje, što spyniła impart padsankcyjnaj draŭniny ź Biełarusi i Rasii

Kazachstan upieršyniu adpraviŭ naftu šlacham, alternatyŭnym Rasii, praz Kaśpijskaje mora

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?