Takoje rašeńnie prapisana ŭ pastanovie Savieta Ministraŭ ad 17 krasavika 2023 hoda №257. Uniesienyja ŭ śpis učastki ziamli ŭ roznych biełaruskich nasielenych punktach i sadovych tavarystvach nielha budzie nabyć u pryvatnyja ruki.
Pryčyna takoha rašeńnia — u hetych miescach raźviedanyja radoviščy karysnych vykapniaŭ. Tamu ŭ miežach hetych zalahańniaŭ nielha budzie nabyć ziamlu. Takaja norma ŭtrymlivałasia i ŭ Kodeksie ab ziamli, jaki dziejničaŭ da 1 studzienia 2023 hoda.
Naprykład, u Minskim rajonie ŭ dakumient trapili peŭnyja ŭčastki ziamli ŭ vioscy Baraŭlany (zachodniaja častka), Karaloŭ Stan, Słabodščyna, Juchnaŭka (uschodniaja častka), Jafimava, Pierasieka, Dzierhai, Cesina, Marjaliva (paŭnočnaja častka), Zacań i ahraharadku Michanavičy.
Raniejšaja takaja pastanova ad 14 studzienia 1995 hoda №11 z hetaha času hublaje svaju siłu, a daviedacca miežy ŭčastkaŭ, jakija nielha budzie kupić u Biełarusi, možna ŭ miascovych vykankamach i inšych profilnych arhanizacyjach.
Poŭny pieralik nasielenych punktaŭ i sadovych tavarystvaŭ, dzie zabaranili pradavać učastki ziamli, možna znajści tut, a pastanova nabyvaje moc 20 krasavika 2023 hoda.
Čytajcie taksama:
Narcysy, ruža, barvienak — jakija kvietki pasadzić na mohiłkach zamiest płastykavych bukietaŭ
«Najlepšy zaharadny dom u Biełarusi, premium-kłas!» Jakija damy pradajuć na bierazie Naračy
Jakuju nieruchomaść pradajuć na Brasłaŭskich aziorach
Ad 10 da 270 tysiač dalaraŭ. Dačy ŭ vakolicach Minska pradajucca pa canie kvater
