Litoŭcy na adnym ź fiestyvalaŭ nacyjanalnych kultur u Hrodnie

Litoŭcy na adnym ź fiestyvalaŭ nacyjanalnych kultur u Hrodnie

Arhanizacyja «Himcinie», što ŭ pierakładzie ź litoŭskaj movy aznačaje «Radzima», bolš za 20 hadoŭ pracavała dla stvareńnia ŭmoŭ dla nacyjanalnaha samavyjaŭleńnia biełaruskich litoŭcaŭ. Abjadnańnie dziejničała ŭ Pielasie, dzie jość škoła ź litoŭskaj movaj navučańnia. Tam nacyjanalnaja mienšaść pravodziła mierapryjemstvy i sustrečy ź litoŭskimi čynoŭnikami.

Pazoŭ na likvidacyju padało Hałoŭnaje ŭpraŭleńnie justycyi Hrodzienskaha abłvykankama, rašeńnie vyniesie sudździa Juryj Karecki.

Abjadnańnie pracuje z 1993 hoda na bazie siaredniaj škoły ź litoŭskaj movaj navučańnia ŭ vioscy Pielasa Voranaŭskaha rajona Hrodzienskaj vobłaści. Heta pieršaje aficyjna zarehistravanaje ŭ Biełarusi hramadskaje abjadnańnie litoŭcaŭ.

Pavodle sajta Hrodzienskaha abłasnoha ŭpraŭleńnia justycyi, pa stanie na 1 studzienia 2022 hoda kolkaść členaŭ hramadskaha abjadnańnia składała 150 čałaviek, u 2021-m — 163.

Čytajcie taksama:

U Biełarusi źbirajucca zakonam admianić mahčymaść navučańnia na movach nacmienšaściaŭ

Litva pratestuje z nahody zakryćcia ŭ Biełarusi litoŭskich škoł

«O Jezau hiaras, pahajleki musu!». Cikavy fotafakt z Hierviackaha kaścioła

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?