Vydaviec Januškievič z nahody padpisańnia kantrakta sa Styvienam Kinham pakazaŭ, jak vyhladaŭ paśla 28 sutak na Akreścina

Vydaviec Januškievič z nahody padpisańnia kantrakta sa Styvienam Kinham pakazaŭ, jak vyhladaŭ paśla 28 sutak na Akreścina

«Vydaviectva Januškievič zaklučyła kantrakt sa Styvienam Kinham. Tak-tak, ciapier suśvietna viadomy piśmieńnik — naš aŭtar. Płanujem vydać jak jaho kłasičnyja tvory, tak i najnoŭšyja. Vydańnie biełaruskich pierakładaŭ asabliva važnaje tamu, što aŭtar zabaraniŭ vydavać svaje tvory ŭ Rasii. Heta byŭ jaho adkaz na ŭvarvańnie va Ukrainu», — napisaŭ u siabie ŭ fejsbuku vydaviec Andrej Januškievič.

Z hetaj nahody jon pakazaŭ, jak vyhladaŭ paśla amal miesiaca na Akreścina. «Tak ja vyhladaju paśla pračytańnia jašče adnaho ramana Styviena Kinha», — pažartavaŭ Januškievič.

Jon paviedamiŭ, što pieršaja kniha vyjdzie ŭ hetym hodzie. Ale jakaja, nie nazvaŭ.

«Prychodźcie na knižnuju vystavu ŭ Biełastoku ŭ piatnicu, subotu i niadzielu, i daviedajciesia pieršymi naŭprost ad Andreja Januškieviča», — napisaŭ jon. 

Vystava projdzie na haradskim stadyjonie ŭ Biełastoku.

«Buduć sustrečy z Uładzimiram Arłovym i Alesiem Kudryckim, ažno šeść navinak-premjer ad roznych vydaviectvaŭ (padumajcie tolki, novyja knihi Nasty Kudasavaj i Valera Hapiejeva!) sapraŭdy vialiki asartymient vydańniaŭ ź Biełarusi i inšych krain», — dadaŭ vydaviec.

Čytajcie taksama:

Na knižnaj vystavie ŭ Biełastoku budzie pracavać biełaruski paviljon z knihami niekalkich vydaviectvaŭ

Vyjšła novaja dziciačaja kniha Alesia Kudryckaha. Jaje pieršyja prodažy adbuducca ŭ Biełastoku

Клас
19
Панылы сорам
0
Ха-ха
0
Ого
1
Сумна
1
Абуральна
1