Spadarožnik Rhessi

Spadarožnik Rhessi

Ministerstva abarony ZŠA paćvierdziła, što 660-funtavy (300 kh) kaśmičny karabiel znoŭ uvajšoŭ u atmaśfieru nad rehijonam pustyni Sachara, prykładna na 26 hradusach daŭhaty i 21,3 hradusa šyraty», — paviedamili pradstaŭniki NASA.

Hetyja kaardynaty pakazvajuć na padzieńnie kala sudana-jehipieckaj miažy, adznačyŭ astrafizik Džonatan MakDaŭeł u tvitary. Pavodle jaho słoŭ, Rhessi ruchaŭsia na paŭnočny ŭschod, kali apuściŭsia.

Bolšaja častka kaśmičnaha karabla, vierahodna, zhareła ŭ atmaśfiery Ziamli, choć čakajecca, što niekatoryja abłomki mohuć pryziamlicca.

Rhessi zapuścili na nizkuju kalaziamnuju arbitu na borcie rakiety Pegasus XL u 2002 hodzie z metaj unikalnaha daśledavańnia Conca.

Nahadajem, u noč na 20 krasavika ŭ niebie nad Kijevam i Homielem zafiksavali jarkuju ŭspyšku. U stalicy Ukrainy abviaścili pavietranuju tryvohu.

U Kijeŭskaj haradskoj administracyi paviedamili, što, pavodle papiarednich danych, žychary stalicy bačyli padzieńnie kaśmičnaha spadarožnika NASA. Paśla ŭ NASA hetuju infarmacyju abvierhli i zajavili, što ŭspyški nad Kijevam nie mahli być vyklikanyja padzieńniem z arbity spadarožnika, i vykazali mierkavańnie, što heta byŭ mieteor.

Čytajcie taksama:

Zahadkavaja ŭspyška ŭ niebie nad Homielem i Kijevam: NASA zajaŭlaje, što heta nie moh być spadarožnik

Клас
3
Панылы сорам
1
Ха-ха
1
Ого
0
Сумна
0
Абуральна
0