21.04.2023
/ 19:46 / Ałharytmičny łacinski varyjant
Abmiežavańni na naviedvańnie lasoŭ pašyryli na ŭvieś zachad Biełarusi
Zhodna z novaj interaktyŭnaj kartaj, vystaŭlenaj na sajcie Minlashasa, abmiežavańni na naviedvańnie lasoŭ, pad jakija ŭčora patrapili čatyry rajony, siońnia raspaŭsiudzilisia na ŭsiu Brestčynu i Hrodzienščynu.
Za miežy hetych abłaściej abmiežavańni nidzie nie vychodziać, vyklučeńniaŭ niama taksama.
Učora pad abmiežavańni patrapili tolki čatyry rajony Hrodzienskaj vobłaści kala miažy ź Litvoj — Astraviecki, Voranaŭski, Lidski i Smarhonski.
Abmiežavańni na lasnyja prahułki ŭvodziacca ŭ vypadku vysokaj ryzyki pažarnaj niebiaśpieki. Kali takaja vierahodnaść źnižajecca — sankcyi zdymajucca.
Sačyć za situacyjaj u režymie realnaha času možna z dapamohaj interaktyŭnaj karty na sajcie Minlashasa. Na joj pakazana, u jakich rehijonach dziejničajuć abmiežavańni abo zabarony na naviedvańnie lasoŭ.
Čytajcie taksama:
Režym rychtujecca da «partyzanki»? Leśniki zmohuć jeździć ź mihałkami, spyniać mašyny i stralać — deputaty rychtujuć źmieny
Minlashas taksama budzie rassyłać ludziam esemeski
Patušyli pieršy sioleta lasny pažar
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
