Elektravozy. Fota ilustracyjnaje
Chadajnictva ab praciahnieńni terminu ŭtrymańnia abvinavačanych pad vartaj razhledzić sudździa Varvara Ahanava 24 krasavika ŭ 15:30.
Pa infarmacyi «Miedyjazony», dvuch hramadzian Biełarusi 2003-ha i 2004 hadoŭ naradžeńnia zatrymali 27 śniežnia 2022 hoda na stancyi Maskva-Kurskaja. Pavodle viersii śledstva, 22 śniežnia jany za ŭznaharodžańnie padpalili elektravoz u łakamatyŭnym depo na stancyi Arechava-Zujeva.
Pieršapačatkova na zatrymanych skłali pratakoły ab drobnym chulihanstvie (častka 1 artykuła 20.1 KaAP RF). Pa viersii palicyi, jany maciukalisia ŭ hramadskich miescach. Abodvum maładym ludziam 27 śniežnia Basmanny rajonny sud pryznačyŭ štrafy.
Paźniej maładych ludziej aryštavali pa artykule ab naŭmysnym paškodžańni majomaści (častka 2 artykuła 167 KK RF). Zatym abvinavačvańnie pierakvalifikavali na artykuł ab dyviersii.
Čytajcie taksama:
U Viciebsku žančynu zatrymali prosta na pracy
U navukoŭca Ihara Bortnika za kratami značna pahoršyŭsia stan zdaroŭja
Źmiakčyli prysud administrataru supołki «Za adzinuju dziaržaŭnuju movu ŭ Biełarusi»
