Zakon nabudzie moc praz try miesiacy. Paśla hetaha ŭ dziaržaŭnych i vajskovych orhanaŭ budzie jašče šeść miesiacaŭ kab vydalić z publičnaha dostupu rasijskija simvały.

Havorka idzie pra pomniki i pamiatnyja znaki, pierajmienavańnie vulic i inšych abjektaŭ. Akramia hetaha, nieabchodna budzie pierajmienavać nasielenyja punkty, u nazvach jakich jość niejkija namioki na Rasiju, jaje dziejačaŭ abo prapahandystaŭ.

Taksama pad zabaronu padpaduć vyjavy, pryśviečanyja rasijskim i savieckim dziejačam, rasijskim haradam i zavajovam. Tyja pomniki, jakija majuć mastackuju kaštoŭnaść, nieabchodna budzie pieranieści ŭ muziei.

Pad standarty ŭkrainskaj movy nieabchodna budzie pierajmienavać nazvy nasielenych punktaŭ. Naprykład, niemahčyma budzie zachavańnie nazvaŭ kštałtu Akciabrsk ci Južnaŭkrainsk.

«Prysvajeńnie hieahrafičnym abjektam, jurydyčnym asobam i abjektam prava ŭłasnaści nazvaŭ, jakija hłaryfikujuć, uviekaviečvajuć, prapahandujuć abo ŭtrymlivajuć simvoliku rasijskaj impierskaj palityki, a taksama nazvu dziaržavy-terarysta (dziaržavy-ahresara) ci jaje vybitnych, pamiatnych, histaryčnych i kulturnych miescaŭ, nasielenych punktaŭ, dat, padziej zabaraniajecca», — havorycca ŭ dakumiencie.

Čytajcie taksama: 

U Čarnihavie pierajmienavali 37 vulic i zavułkaŭ, nazvy jakich źviazanyja z Rasijaj i Biełaruśsiu

Praśpiekt Pieramohi ŭ Kijevie ciapier budzie Bieraściejskim

U Kijevie źjaviłasia vulica Kastusia Kalinoŭskaha

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?