Dźmitryj i Mikałaj Piaskovy

Dźmitryj i Mikałaj Piaskovy

«D. S. Piaskoŭ pryjšoŭ i skazaŭ — «zabiary jaho prostym artylerystam», — śćviardžaje zasnavalnik «Vahniera» Jaŭhien Pryhožyn. Syn Piaskova daŭ intervju «Kamsamołcy», u jakim padtrymaŭ hetuju viersiju.

Mikałaj Piaskoŭ skazaŭ, što pajści na vajnu było jaho rašeńniem i jaho inicyjatyvaj.

Na pytańnie, čamu vyrašyŭ iści słužyć, toj adkazaŭ, što «nie moh siadzieć ubaku i hladzieć, jak i siabry, i inšyja ludzi iduć tudy».

Mikałaj skazaŭ, što kali jamu patelefanavali žurnalisty ad imia vajenkama, nibyta jaho mabilizujuć, jon užo «rychtavaŭsia da słužby, da pajezdki». «Tamu, krychu byŭ na niervach i nahavaryŭ im».

U čaści nibyta nie viedali, chto jaho baćka, proźvišča było prydumanaje, trapiŭ Mikałaj tudy pa padroblenych dakumientach.

Słužyŭ jon nibyta «krychu mienš za paŭhoda» — «takija kantrakty vydajucca», byŭ radavym.

Mikałaj, pavodle jaho, atrymaŭ miedal «Za advahu». «Uvieś moj ekipaž ździejśniŭ podźvih. U nas byŭ adzin cikavy vyjezd. Bolš ja skazać nie mahu», — raspavioŭ jon.

Mikałaj Piaskoŭ viadomy tym, što adkazaŭ žurnalistu, jaki patelefanavaŭ pad vidam vajenkama z zaprašeńniem u vajenkamat, što jon — «spadar Piaskoŭ».

«Kali vy viedajecie, što ja — spadar Piaskoŭ, to razumiejecie, nakolki heta niapravilna, kab ja tam znachodziŭsia. Ja budu heta vyrašać na inšym uzroŭni», — adkazaŭ syn Piaskova.

Čytajcie taksama:

Prapahandyst Siarhiej Markaŭ z honaram zapościŭ prysiahu syna Piaskova, nie zaŭvažyŭšy, što heta syn Parašenki

Клас
2
Панылы сорам
6
Ха-ха
46
Ого
2
Сумна
2
Абуральна
3